തമിഴ് സൂപ്പര് താരം അജിത് കുമാറിന്റെ അമ്മ മോഹിനി മണി അന്തരിച്ചു. 84 വയസായിരുന്നു. വാര്ദ്ധക്യ സഹജമായ അസുഖങ്ങളെ തുടര്ന്ന് ചെന്നൈയിലെ സ്വകാര്യ ആശുപത്രിയില് വച്ചായിരുന്നു മരണം. ചെന്നൈയിലെ പാലവാക്കത്തുള്ള അജിത് കുമാറിന്റെ വസതിയിലായിരിക്കും അന്ത്യ കര്മങ്ങള് നടക്കുക. നിലവില് ദുബായിലുള്ള അജിത് അമ്മയുടെ വിയോഗത്തെ തുടര്ന്ന് ചെന്നൈയിലേക്ക് മടങ്ങിയിട്ടുണ്ട്.
അജിത്തിന്റെ അമ്മയുടെ വിയോഗത്തില് അനുശോചനം രേഖപ്പെടുത്തി നിരവധി പേരാണ് എത്തുന്നത്. നടന് കമല് ഹാസന്, മുന് മുഖ്യമന്ത്രി എംകെ സ്റ്റാലിന് തുടങ്ങിയവര് സോഷ്യല് മീഡിയിയലൂടെ അനുശോചനം അറിയിച്ചിട്ടുണ്ട്. തനിക്ക് ജീവന് നല്കുകയും താന് വലിയ ഉയരങ്ങള് കൈവരിക്കുന്നത് കാണുന്നതില് സന്തോഷിക്കുകയും ചെയ്ത അമ്മയുടെ വിയോഗത്തില് വേദനിക്കുന്ന അജിത് കുമാറിനെ ആശ്വസിപ്പിക്കാന് വാക്കുകളില്ലെന്നാണ് സ്റ്റാലിന് പറഞ്ഞത്.
രണ്ട് വര്ഷം മുമ്പായിരുന്നു അജിത്തിന്റെ അച്ഛന് സുബ്രഹ്മണി മരണപ്പെടുന്നത്. ഈ വിയോഗത്തിന്റെ വേദനയില് നിന്നും തിരിച്ചുവരുന്നതിനിടെയാണ് അജിത്തിന് അമ്മയേയും നഷ്ടമാകുന്നത്. അനില് കുമാര്, അനൂപ് കുമാര് എന്നിവരാണ് അജിത്തിന്റെ സഹോദരങ്ങള്.
അഭിനയത്തില് നിന്നും ഇടവേളയെടുത്ത അജിത് കുമാര് റേസിങില് ശ്രദ്ധ കേന്ദ്രീകരിച്ചിരുന്ന സമയമാണിത്. അജിത്തിന്റേതായി ഒടുവില് പുറത്തിറങ്ങിയ ചിത്രം ഗുഡ് ബാഡ് അഗ്ലിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
