സര്വ്വം മായയുടെ വിജയത്തില് പ്രേക്ഷകര്ക്ക് നന്ദി പറഞ്ഞ് അജു വര്ഗീസ്. നിവിന് പോളിയുടെ തിരിച്ചുവരവിന് കളമൊരുക്കിയ സര്വ്വം മായ തങ്ങള്ക്ക് അമൂല്യമായ സിനിമയാണെന്നാണ് അജു വര്ഗീസ് പറയുന്നത്. സിനിമയുടെ പ്രെമോഷന്റെ ഭാഗമായി ദുബായിലെത്തിയതായിരുന്നു താരം. നിവിന് പോളിയും അഖില് സത്യനുമടക്കമുള്ളവര് ഒപ്പമുണ്ടായിരുന്നു.
''സിനിമയില് നിന്നും ഫീല്ഡ് ഔട്ടായി വെബ് സീരീസിലേക്ക് മാറിയോ എന്ന് എന്നോട് ഈയ്യടുത്തൊരാള് ചോദിച്ചിരുന്നു. ആ എനിക്ക് ഒരു തിരിച്ചുവരവ് തന്ന അഖിലിന് ദുബായ് മണ്ണില് വച്ച് നന്ദി പറയുന്നു. ഇന്നലെ ഞാന് ഫെയ്സ്ബുക്കില് കണ്ടൊരു കമന്റാണ്, നിവിന് പോളി തിരികെ വന്നു, സൈഡില് കൂടെ ആരുമറിയാതെ അജു വര്ഗീസും തിരികെ വന്നുവെന്ന്.'' ്അജു വര്ഗീസ് പറയുന്നു.
''ഒരു ഉണര്വ്വാണ് വിജയം. പരാജയം ഒരുപാട് വന്നു കഴിഞ്ഞാല് പിന്നെ നമുക്ക് മരവിപ്പും നിര്വികാരതയുമാണ് റിസള്ട്ടിനെക്കുറിച്ച് സംസാരിക്കുമ്പോള്. അത് എനിക്ക് പണ്ടേ വന്നതാണ്. നിവിന് ഈ വിജയം ലഭിച്ചതില് ഞങ്ങള് വളരെ ഇമോഷണലാണ്. സര്വ്വം മായയുടെ ടീമിന് മലര്വാടിയുടെ ടീം നന്ദി പറയുന്നു. വിനീതിന് ഇപ്പോഴത്തെ സാഹചര്യത്തില് സിനിമ കാണാന് സാധിച്ചിട്ടില്ല. എങ്കിലും ഈ വിജയത്തില് ഒരുപാട് സന്തോഷമെന്ന് മെസേജ് അയച്ചിരുന്നു. അത് വളരെ ഇമോഷണലായി നിവിന് ഇന്നലെ രാത്രി വിളിച്ച് പറഞ്ഞു'' താരം പറയുന്നു.
''ഞാന് ഉറക്കത്തിലായിരുന്നപ്പോള് നിവിന്റെ കോള് വന്നു. ഞാന് പേടിച്ചു പോയി. വിളിച്ചു കൊണ്ടേയിരിക്കുകയായിരുന്നു. കോളെടുത്ത ശേഷം ഒരുപാട് നേരം സംസാരിച്ചു. സിനിമയില് ഞാന് കെട്ടിപിടിച്ച് ഉമ്മ വെക്കുന്നൊരു ചിത്രമുണ്ട്. വളരെ ഇഷ്ടത്തോടെ ചെയ്തതാണ്. ഈ ചിത്രം വളരെ ഇമോഷണലാക്കിയെന്ന് പറഞ്ഞു. 600 ദിവസങ്ങള്ക്ക് ശേഷമാണ് അദ്ദേഹത്തിന്റെ ഒരു സിനിമ ഇറങ്ങുന്നത്. ഒരുപാട് നാളുകള്ക്ക് ശേഷമാണ് ഒരു സിനിമ വര്ക്കാകുന്നത്. അതിനാല് ഞങ്ങള്ക്ക് വളരെ ഇമോഷണലാണ് സര്വ്വം മായ''.
''ഈ സിനിമ ഞങ്ങള്ക്ക് അമൂല്യമാണ്. അത് കാണാന് വന്ന നിങ്ങളും ഞങ്ങള്ക്ക് അമൂല്യമാണ്. നന്ദി മാത്രം'' എന്നും അജു വര്ഗീസ് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
