നടി ആലിയ ഭട്ടിന് കോവിഡ്

ബോളിവുഡ് നടി ആലിയ ഭട്ടിന് കോവിഡ് സ്ഥിരീകരിച്ചു. സോഷ്യൽ മീഡിയയിലൂടെ താരം തന്നെയാണ് രോ​ഗവിവരം ആരാധകരെ അറിയിച്ചത്. വീട്ടിൽ ക്വാറന്റീനിലാണെന്നും ഡോക്ടർമാരുടെ നിർദേശപ്രകാരമുള്ള എല്ലാ സുരക്ഷാ മാർ​ഗനിർദേശങ്ങൾ പാലിക്കുന്നുണ്ടെന്നും താരം ഇൻസ്റ്റ​ഗ്രാം സ്റ്റോറിയായി കുറിച്ചു. 

ആലിയയുടെ കാമുകനും നടനുമായ റണ്‍ബീര്‍ കപൂറിന് മാർച്ചിൽ കോവിഡ് സ്ഥിരീകരിച്ചിരുന്നു. തുടർന്ന് ക്വാറന്റീനിൽ പോയ ആലിയക്ക് പരിശോധനയിൽ നെ​ഗറ്റീവായിരുന്നു. ദിവസങ്ങൾക്ക് മുൻപാണ് രൺവീറിന് നെ​ഗറ്റീവായത്. അതിന് പിന്നാലെയാണ് ആലിയയ്ക്ക് രോ​ഗം സ്ഥിരീകരിക്കുന്നത്. ബോളിവുഡിൽ നിരവധി താരങ്ങളാണ് കോവിഡ് സ്ഥിരീകരിച്ചതിനെ തുടർന്ന് ക്വാറന്റീനിൽ കഴിയുന്നത്. ആമിർഖാൻ, ആർ മാധവൻ, കാർത്തിക് ആര്യൻ, ബൻസാലി, മനോജ് ബാജ്പേയി തുടങ്ങിയ നിരവധി പേർക്കാണ് കോവിഡ് പോസിറ്റീവായത്.