

ദുൽഖർ സൽമാനെ നായകനാക്കി പവൻ സാദിനേനി സംവിധാനം ചെയ്ത ആകാശംലോ ഒക താരക്ക് (ആകാശത്തിൽ ഒരു താരകം) ഗംഭീര പ്രേക്ഷക പ്രതികരണം. സോഷ്യല് മീഡിയയാകെ ചിത്രത്തെക്കുറിച്ചുള്ള ചർച്ചകളാണ്. തെലുങ്ക് സിനിമയില് തനിക്കുള്ള സ്റ്റാർഡം ഒരിക്കല് കൂടെ ഉറപ്പിക്കുയാണ് ദുല്ഖറെന്നാണ് സോഷ്യല് മീഡിയ പറയുന്നത്.
സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിച്ച ചിത്രം ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നീ ബാനറുകൾ സംയുക്തമായാണ് തിയേറ്ററുകളിലെത്തിക്കുന്നത്. ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസാണ് ചിത്രം കേരളത്തിൽ വിതരണം ചെയ്തത്.
സ്വന്തം സ്വപ്നങ്ങൾക്കായി സമൂഹം മുന്നിൽ വെക്കുന്ന അതിർവരമ്പുകൾ മറികടന്ന് മുന്നേറാൻ ആഗ്രഹിക്കുന്ന കല്പനയുടെയും അവളുടെ യാത്രയിൽ താങ്ങും തണലുമായി കൂടെ നിൽക്കുന്ന കൃഷ്ണയുടെയും കഥയാണ് ചിത്രം പറയുന്നത്. വെറുമൊരു പ്രണയകഥ എന്നതിലുപരി പ്രേക്ഷകരുടെ മനസ്സിൽ പ്രതീക്ഷയും പ്രചോദനവും നിറയ്ക്കുന്ന വൈകാരികമായ സിനിമാനുഭവമാണ് ചിത്രം സമ്മാനിക്കുന്നത്. അത് വ്യക്തമാക്കുന്നതാണ് ആരാധകരുടെ പ്രതികരണങ്ങള്.
ഈ വർഷത്തെ ഏറ്റവും മികച്ച തെലുങ്ക് ചിത്രമെന്നാണ് മിക്ക സോഷ്യല് മീഡിയ പോസ്റ്റുകളും പറയുന്നത്. സ്വപ്നങ്ങളെ നെഞ്ചേറ്റിയവർക്ക് ഒരു മനോഹരമായ അനുഭവമാണ് ഈ ചിത്രം സമ്മാനിക്കുന്നതെന്നും ആരാധകർ പറയുന്നു. കൃഷ്ണ എന്ന കഥാപാത്രമായുള്ള ദുൽഖർ സൽമാന്റെ പ്രകടനവും കയ്യടി നേടുന്നുണ്ട്. അതേസമയം കല്പനയായി എത്തിയ പുതുമുഖം സാത്വിക വീരവല്ലിയുടെ പ്രകടനവും ഏറെ ശ്രദ്ധേയമാണ്. ഇരുവരും തമ്മിലുള്ള കെമിസ്ട്രിയും വൈകാരിക മുഹൂർത്തങ്ങളുമാണ് ചിത്രത്തിന്റെ പ്രധാന കരുത്തുകളിലൊന്ന്. ശ്രുതി ഹാസൻ അവതരിപ്പിക്കുന്ന രോഹിണി എന്ന കഥാപാത്രവും കഥയിൽ നിർണായകമായ സ്വാധീനം ചെലുത്തുന്നു. റൂഹാനി ശർമ, മുരളി ശർമ, സ്വാസിക എന്നിവരും ചിത്രത്തിലെ പ്രധാന താരനിരയിലുണ്ട്.
പവൻ സാദിനേനിയുടെ മേക്കിംഗ് മികവും ചിത്രത്തിന്റെ മറ്റൊരു പ്രധാന ആകർഷണമാണ്. മനോഹരമായ ദൃശ്യാവിഷ്കാരത്തിനൊപ്പം ജി.വി. പ്രകാശ് കുമാറിന്റെ സംഗീതവും പശ്ചാത്തലസംഗീതവും സിനിമയുടെ വൈകാരികതയ്ക്ക് കൂടുതൽ കരുത്തേകുന്നു. ദുൽഖറിന്റെയും സാത്വികയുടെയും പ്രകടനങ്ങൾ, സംഗീതം, മേക്കിംഗ്, വൈകാരികമായ അവതരണം എന്നിവയ്ക്ക് പ്രേക്ഷകരിൽ നിന്നും നിരൂപകരും നിന്നും പ്രത്യേക പ്രശംസ ലഭിക്കുന്നുണ്ട്. മനോഹരമായ ഒരു സിനിമാനുഭവമെന്ന അഭിപ്രായമാണ് ചിത്രത്തെ കുറിച്ച് പ്രേക്ഷകരിൽ നിന്ന് ഉയരുന്നത്.
മലയാളം, തമിഴ്, തെലുങ്ക്, ഹിന്ദി ഭാഷകളിലായി ആഗോളതലത്തിൽ പ്രദർശനത്തിനെത്തിയ ആകാശംലോ ഒക താര, സ്വപ്നങ്ങൾക്കു പിന്നാലെ സഞ്ചരിക്കുന്നവർക്കും സ്നേഹത്തിന്റെ കരുത്തിൽ വിശ്വസിക്കുന്നവർക്കും ഹൃദയത്തോട് ചേർത്തുവെക്കാവുന്ന സിനിമാനുഭവമായി മാറുകയാണ്.
രചന, തിരക്കഥ: ഗുന്നം ഗംഗരാജു, കഥ: പവൻ സാദിനേനി & വസന്ത് ജുറു, അധിക തിരക്കഥ: വസന്ത് ജുറു, ഛായാഗ്രഹണം: സുജിത് സാരംഗ്, സംഗീതം: ജി.വി. പ്രകാശ് കുമാർ, എഡിറ്റർ: പ്രവീൺ കെ.എൽ, പ്രൊഡക്ഷൻ ഡിസൈനർ: ശ്വേത സാബു സിറിൽ, എക്സിക്യൂട്ടീവ് പ്രൊഡ്യൂസർ: ചന്തു നിമ്മഗദ്ദ, സഹസംവിധായകൻ: സുരേഷ് പരുച്ചൂരി, ലൈൻ പ്രൊഡ്യൂസർ: യെലെപ്പെട്ടി ശ്രീനിവാസ്, പ്രൊഡക്ഷൻ ടീം: ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം: ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ: പല്ലവി സിംഗ്, കലാസംവിധാനം: വംശി കൃഷ്ണ, സൗണ്ട് ഡിസൈനർ: സിങ്ക് സിനിമ, പബ്ലിസിറ്റി ഡിസൈനർ: അനിൽ ഭാനു, വിഎഫ്എക്സ്: എഗ്വൈറ്റ് വിഎഫ്എക്സ്, വിഎഫ്എക്സ് സൂപ്പർവൈസർ: തൗഫീഖ് ഹുസൈൻ, കളറിസ്റ്റ്: ഷൺമുഖ പാണ്ഡ്യൻ എം, സ്റ്റിൽസ്: സായ് ശശാങ്ക്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates