സംവിധായകനായി വന്ന് നടനായും കയ്യടി നേടിയ താരമാണ് ബേസില് ജോസഫ്. ബേസിലിന് കേരളത്തിന് പുറത്തും വലിയ പ്രശംസ നേടിക്കൊടുത്ത ചിത്രമായിരുന്നു പൊന്മാന്. അഭിനയിച്ചതില് തനിക്കേറ്റവും ഇഷ്ടമുള്ള ചിത്രമാണ് പൊന്മാന് എന്നാണ് ബേസില് പറയുന്നത്. പംപാ സാഹിത്യോത്സവത്തില് മനീഷ് നാരായണനുമായുള്ള സംവാദത്തില് സംസാരിക്കുകയായിരുന്നു താരം.
സിനിമ ഒഴിയാബാധയായാല് പിന്നെ ഒരിക്കലും ബ്രേക്കെടുക്കാന് കഴിയില്ലെന്നും ബേസില് പറയുന്നു. കരിയറില് താന് ഇപ്പോള് തന്നോട് തന്നെ മത്സരിക്കുകയാണെന്നും ബേസില് പറയുന്നു. ''പൊന്മാന്' സിനിമയാണ് അഭിനയിച്ചതില് ഏറെ ഇഷ്ടം. ചിത്രത്തിലെ പി.പി. അജേഷ് എന്ന കഥാപാത്രത്തെ ഉള്ക്കൊണ്ടവതരിപ്പിക്കാന് സഹായകമായത് ചിത്രത്തിന്റെ തിരക്കഥാകൃത്തുക്കളിലൊരാളായ ജി.ആര്. ഇന്ദുഗോപന്റെ 'നാലഞ്ച് ചെറുപ്പക്കാര്' എന്ന നോവലാണ്. കൃതിയോടു നീതിപുലര്ത്താന് പരമാവധി ശ്രമിച്ചു'' എന്നാണ് പൊന്മാന് സിനിമയെക്കുറിച്ച് ബേസില് പറയുന്നത്.
തന്റെ ചിത്രം മിന്നല് മുരളി തിയേറ്ററില് റിലീസ് ചെയ്യാന് പറ്റാത്തതിനെക്കുറിച്ചും ബേസില് സംസാരിക്കുന്നുണ്ട്. 'തിയേറ്ററിലുണ്ടാകുന്ന പ്രേക്ഷകസ്വീകാര്യത ഒരിക്കലും ഒടിടി പ്ലാറ്റ്ഫോമില് കിട്ടില്ല. മിന്നല് മുരളി തിയേറ്ററില് റിലീസ് ചെയ്യാത്തതില് നല്ല വിഷമമുണ്ട്. അവസാനഘട്ടത്തിലാണ് തിയേറ്റര് റിലീസിനുള്ള സാഹചര്യമില്ലാതെ പോയത്. അക്കാലത്ത് വലിയ ട്രോമയിലേക്കു വഴുതിവീണെന്നും പിന്നെ യാഥാര്ഥ്യവുമായി പൊരുത്തപ്പെട്ടുവെന്നും താരം പറയുന്നു.
ടൊവിനോ തോമസിനെ നായനാക്കി ബേസില് ഒരുക്കിയ സൂപ്പര് ഹീറോ ചിത്രമാണ് മിന്നല് മുരളി. കൊവിഡ് കാലത്തായിരുന്നു ചിത്രത്തിന്റെ റിലീസ്. നെറ്റ്ഫ്ളിക്സിലൂടെ റിലീസ് ചെയ്ത ചിത്രം കേരളത്തിന് പുറത്തും വലിയ ഹിറ്റായി. പാന് ഇന്ത്യന് ഹിറ്റായി മാറിയ സിനിമയുടെ തുടര്ച്ചയ്ക്കായി കാത്തിരിക്കുകയാണ് ആരാധകര്. മിന്നല് മുരളിയ്ക്ക് ശേഷം ബേസില് വീണ്ടും സംവിധായകന്റെ കുപ്പായം അണിയുകയാണെന്നാണ് റിപ്പോര്ട്ടുകള്. അല്ലു അര്ജുന് ചിത്രത്തിലൂടെയാണ് ബേസില് വീണ്ടും സംവിധായകനാകുന്നതെന്നാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
