ഇന്ഡസ്ട്രി ഹിറ്റായി മാറിയ ബെത്ലഹേം കുടുംബ യൂണിറ്റിന് ശേഷം പുതിയ ചിത്രവുമായി ഭാവന സ്റ്റുഡിയോസ്. സന്ദീപ് പ്രദീപ് നായകനായ ചിത്രത്തിന്റെ പേര് പിക്നിക് ആണ്. ചിത്രത്തിന്റെ പോസ്റ്റര് പുറത്തു വിട്ടുകൊണ്ടാണ് ഔദ്യോഗിക പ്രഖ്യാപനം നടത്തിയിരിക്കുന്നത്. ബെത്ലഹേം കുടുംബ യൂണിറ്റിലും പ്രേമലുവിലും ഗിരീഷ് എഡിയുടെ സഹരചയിതാവായ കിരണ് ജോസിയാണ് സിനിമയുടെ സംവിധാനം.
കിരണ് ജോസി ആദ്യമായി സംവിധാനം ചെയ്യുന്ന ചിത്രമാണ് പിക്നിക്. അനുരാജ് ഒബിയ്ക്കൊപ്പം ചേര്ന്നാണ് കിരണ് ജോസി പിക്നിക് എഴുതിയിരിക്കുന്നത്. ഭാവന സ്റ്റുഡിയോസിന്റെ ബാനറില് ഫഹദ് ഫാസില്, ദിലീഷ് പോത്തന്, ശ്യം പുഷ്കരന് എന്നിവര് ചേര്ന്നാണ് നിര്മാണം. 2027 ജനുവരി 14 നാകും ചിത്രം തിയേറ്ററുകളിലെത്തുക.
ഇന്ദ്രജിത്ത് സുകുമാരന്, ദിലീഷ് പോത്തന് എന്നിവരും ചിത്രത്തിലുണ്ട്. സുജിന ശ്രീധരന്, അക്ഷത അജിത്, രേഷ്മ ജോസി, മേരി, വിജയ് മുത്തു, പ്രണവ് പ്രഭു, ഉത്തര ഗംഗ തുടങ്ങിയവരും ചിത്രത്തിലുണ്ട്. ആദര്ശ് സദാനന്ദന് ആണ് ഛായാഹ്രണം. സനത് ശിവരാജ് ആണ് എഡിറ്റിങ്. ഗോവിന്ദ് വസന്തയാണ് ചിത്രത്തിന് സംഗീതം ഒരുക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
