എന്നാണ് വിവാഹം? 'ഞാൻ ഇതുവരെ ​ഗർഭിണിയായിട്ടില്ല' എന്ന് ആരാധകന്തപ്‌സിയുടെ മറുപടി

ആരാധകരുടെ ചോദ്യങ്ങൾക്ക് മറുപടി പറഞ്ഞ് ബോളുവുഡ് താരം തപ്‌സി പന്നു. സോഷ്യൽമീഡിയയിൽ നിന്നും കുറച്ചു ദിവസം ഇടവേളയെടുത്ത താരം കഴിഞ്ഞ ദിവസമാണ് ഇൻസ്റ്റ​ഗ്രാമിൽ 'ആസ്‌ക് മീ എനിതിങ് 'എന്ന സെഷൻ ചെയ്‌തത്. വിവാഹമടക്കമുള്ള സ്വകാര്യ കാര്യങ്ങൾ ആരാധകർ സെഷനിൽ ചോദിച്ചു. അതിൽ താരം പറഞ്ഞ മറുപടിയാണ് ഇപ്പോൾ സോഷ്യൽ മീഡിയയിലടക്കം വൈറലാകുന്നത്.

എന്നാണ് വിവാഹം എന്നായിരുന്നു ആരു ആരാധകന്റെ ചോദ്യം. 'ഞാൻ ഇതുവരെ ​ഗർഭിണിയായിട്ടില്ല, അതുകൊണ്ട് ഉടനെ ഉണ്ടാവില്ല, ആകുമ്പോൾ എല്ലാവരെയും അറിയിക്കുന്നതായിരിക്കും' -എന്ന് ചിരിച്ചുകൊണ്ട് താരം പറഞ്ഞു.  ബാഡ്മിന്റൺ താരവും പരിശീലകനുമായ മത്യാസ് ബോയുമായി 
താരം പ്രണയത്തിലാണെന്നും ഇരുവരും ലിവിം​ഗ് റിലേഷനിലാണെന്നും വാർത്തകൾ പ്രചരിക്കുന്നുണ്ട്. തപ്‌സിയുമൊത്തുള്ള ചിത്രങ്ങൾ മത്യാസ് സമൂഹമാധ്യമങ്ങിൽ പങ്കുവെക്കാറുണ്ട്. 

യാത്രകൾ ചെയ്യാനാണ് ഏറെ താൽപര്യമെന്നും താൻ ജോലി ചെയ്യുന്നതിനെക്കാൾ കൂടുതൽ അവധിയാണ് ആഘോഷിക്കുന്നതെന്നും ആരാധകരുമായി സംവദിക്കുന്ന സമയത്ത് താരം തന്നെ പറയുന്നുണ്ട്. തന്റെ അടുത്ത യാത്ര ക്രാബി ദ്വീപിലേക്കാണെന്നും തപ്സി പറഞ്ഞു. ഷാറൂഖ് ഖാൻ ചിത്രം ഡങ്കിൽ ഒരു പ്രധാന വേഷം ചെയ്യുന്നുണ്ട്. ഡിസംബറിലാണ് ചിത്രത്തിന്റെ റിലീസ്. നിലവിൽ താരം തമിഴ് ചിത്രം അയലന്റെ ഷൂട്ടിങ്ങിലാണ്. 

ഈ വാര്‍ത്ത കൂടി വായിക്കൂ 

'സിനിമ പരാജയമായപ്പോൾ കൊടുത്ത ചെക്ക് മടക്കി തന്ന ആളാണ് ചാക്കോച്ചൻ'; വിവാദ​ത്തിൽ നിർമാതാവ് ഫൈസൽ ലത്തീഫ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ