കെജിഎഫിന് ശേഷം യഷ് നായകനായി എത്തുന്ന ടോക്‌സിക് ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ഗീതു മോഹന്‍ദാസ് ചിത്രം സംവിധാനം ചെയ്യുന്നു എന്നത് മലയാളികളുടെ ആവേശമേറ്റുന്നുണ്ട്. ഇപ്പോള്‍ ചിത്രം നിയമക്കുരുക്കില്‍ പെട്ടിരിക്കുകയാണ്. അനധികൃതമായി മരം മുറിച്ചതുമായി ബന്ധപ്പെട്ട് ചിത്രത്തിന്റെ നിര്‍മാതാക്കള്‍ക്കെതിരെ കര്‍ണാടക ഫോറസ്റ്റ് ഡിപ്പാര്‍ട്ട്‌മെന്റ് കേസെടുത്തിരിക്കുകയാണ്.
ബംഗളൂരുവില്‍ സിനിമ സെറ്റ് നിര്‍മിക്കാന്‍ വേണ്ടിയാണ് വനമേഖലയിലെ മരങ്ങള്‍ മുറിക്കുകയായിരുന്നു. 100 കണക്കിന് മരങ്ങള്‍ മുറിച്ചു നീക്കിയെന്ന് ആരോപിച്ച് കര്‍മാടക പരിസ്ഥിതി മന്ത്രി ഈശ്വര്‍ ഖാന്ദ്രെ രംഗത്തെത്തിയിരുന്നു. സാറ്റലൈറ്റ് ചിത്രങ്ങളില്‍ ഇത് ദൃശ്യമാണെന്നും അദ്ദേഹം പറഞ്ഞിരുന്നു. കുറ്റക്കാര്‍ക്കെതിരെ നടപടിയെടുക്കാനും മന്ത്രി ഫോറസ്റ്റ് ഉദ്യോഗസ്ഥരോട് ആവശ്യപ്പെട്ടു. പിന്നാലെയാണ് കാനറ ബാങ്ക് ജനറല്‍ മാനേജര്‍ക്കും ഹിന്ദുസ്ഥാന്‍ മെഷീന്‍ ടൂള്‍ ജനറല്‍ മാനേജര്‍ക്കും എതിരെ കേസെടുത്തത്.
വന്‍ ബജറ്റില്‍ ഒരുങ്ങുന്ന ആക്ഷന്‍ ത്രില്ലറാണ് ടോക്‌സിക്. നിലവില്‍ ചിത്രത്തിന്റെ ഷൂട്ടിങ്ങിന്റെ ഭാഗമായി മുംബൈയിലാണ് യഷ്. കിയാര അധ്വാനിയാണ് ചിത്രത്തില്‍ നായികയായി എത്തുന്നത്. 2025 ഏപ്രിലില്‍ ചിത്രം തിയറ്ററിലെത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
