'ചേട്ടൻ ഒരു സംഭവം തന്നെ'; രാജസ്ഥാനി ​ഗായകരെ കൊണ്ട് മലയാളം പാട്ട് പാടിച്ച് ദിനേശ് പ്രഭാകർ, വിഡിയോ വൈറൽ

നടൻ ദിനേശ് പ്രഭാകർ ഇൻസ്റ്റ​ഗ്രാമിൽ പങ്കുവച്ചിരിക്കുന്ന ഒരു വിഡിയോ ആണിപ്പോൾ സോഷ്യൽ മീഡിയയിൽ വൈറലാകുന്നത്. രാജസ്ഥാനിലെ നാടോടി ​ഗായകരെക്കൊണ്ട് മലയാളം പാട്ട് പാടിച്ചിരിക്കുകയാണ് നടൻ. 'കുട്ടനാടൻ പുഞ്ചയിലേ...' എന്ന ​ഗാനമാണ് ഇവരെ കൊണ്ട് നടൻ പാടിച്ചത്.

'രാജസ്ഥാനിലേക്ക് എത്തിയ മലയാളിക്ക് ലഭിച്ച സ്വാ​ഗത ​ഗാനം' എന്ന കുറിപ്പോടെയാണ് ദിനേശ് വിഡിയോ പങ്കുവച്ചിരിക്കുന്നത്. ദിനേശും ​ഗായകർക്കൊപ്പം പാട്ട് പാടുന്നുണ്ട്. സെലിബ്രിറ്റികളടക്കം നിരവധി പേരാണ് ദിനേശിന്റെ വിഡിയോയ്ക്ക് കമന്റുമായെത്തിയിരിക്കുന്നത്. 'ചേട്ടൻ ഒരു സംഭവം തന്നെ' എന്നാണ് നടി കൃഷ്ണപ്രഭ കുറിച്ചിരിക്കുന്നത്.

'അവിടെ ചെന്നു അവരെ മലയാളം പാട്ട് പാടിപ്പിച്ച നമ്മുടെ സ്വന്തം ദിനേശേട്ടൻ' എന്നാണ് ഭൂരിഭാ​ഗം പേരും കമന്റായി കുറിച്ചിരിക്കുന്നത്. കോമഡി വേഷങ്ങളോടൊപ്പം സ്വഭാവ നടനായും വില്ലനായും പ്രേക്ഷകരെ വിസ്മയിപ്പിച്ചിട്ടുണ്ട് ദിനേശ്. 'പ്രഥമ ദൃഷ്ട്യാ കുറ്റക്കാർ' ആണ് നടന്റേതായി ഒടുവിൽ തിയറ്ററുകളിലെത്തിയ ചിത്രം.

കൂടുതല്‍ സിനിമ വാര്‍ത്തകള്‍ക്കായി വാട്സ്ആപ്പ് ഗ്രൂപ്പില്‍ അംഗമാകൂ

ഇവിടെ ക്ലിക്ക് ചെയ്യുക