സംവിധായകനും ചലച്ചിത്ര അക്കാദമി ചെയര്മാനുമായ രഞ്ജിത്തിനെ പരിഹസിച്ച് നടന് ഹരീഷ് പേരടി. ചലച്ചിത്ര പുരസ്കാരദാന ചടങ്ങിനിടെ മുഖ്യമന്ത്രിയോടുള്ള ആദരസൂചകമായി മുഴുവന് സമയവും എഴുന്നേറ്റ് നിന്ന നടന് ഭീമന് രഘുവിനെ കഴിഞ്ഞദിവസം ന്യൂ ഇന്ത്യന് എക്സ്പ്രസ് അഭിമുഖത്തില് രഞ്ജിത്ത് വിമര്ശിച്ചിരുന്നു.
ഭീമന് രഘുവിനെ കോമാളി എന്നു വിശേഷിപ്പിച്ച അഭിമുഖത്തില്, രഞ്ജിത്ത് മുഖ്യമന്ത്രി പിണറായി വിജയനെ പുകഴ്ത്തിയിരുന്നു. ഇതിലാണ് ഹരീഷ് പേരടിയുടെ പരിഹാസം.
'രാജാവിനെ പുകഴ്ത്താന് പെടാപ്പാടുപെടുന്ന രാജസദസ്സിലെ രണ്ട് മണ്ടന്മാര്ക്കിടയില് ആരാണ് വലിയ മണ്ടന്' എന്നായിരുന്നു ഹരീഷ് പേരടി കുറിച്ചത്.
ഹരീഷ് പേരടിയുടെ കുറിപ്പിന്റെ പൂര്ണരൂപം:
രാജാവിനെ പുകഴ്ത്താന് പെടാപാടുപെടുന്ന രാജസദസ്സിലെ രണ്ട് മണ്ടന്മാര്ക്കിടയില് ആരാണ് വലിയ മണ്ടന് എന്ന് മാത്രമേ ഇനി അറിയേണ്ടു...ഒരു മണ്ടന് മറ്റൊരു മണ്ടനെ ഇഷ്ടമല്ലാ എന്ന് പറഞ്ഞവന് ഏതായാലും മണ്ടനല്ല എന്ന് ഉറപ്പായി ...സ്വന്തം മണ്ട എങ്ങിനെ നിങ്ങളെ സഹിക്കുന്നു...മണ്ട സലാം..
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
