'ഹ്യൂജ് ഫാൻ മൊമന്റ്': മോദിക്കൊപ്പമുള്ള ചിത്രങ്ങളുമായി ശോഭന

പ്രധാനമന്ത്രി നരേന്ദ്ര മോദിക്കൊപ്പമുളള നിമിഷങ്ങൾ സോഷ്യൽ മീഡിയയിൽ പങ്കുവച്ച് നടി ശോഭന. വലിയ ഫാൻ മൊമന്റ് എന്ന് പറഞ്ഞുകൊണ്ടാണ് താരം മോദിക്കൊപ്പമുള്ള ചിത്രങ്ങൾ പോസ്റ്റ് ചെയ്തത്. 

'വലിയ ഫാൻ മൊമന്റ്. തൃശൂരില്‍ നടത്തിയ പരിപാടിയില്‍വച്ച് പ്രധാനമന്ത്രി നരേന്ദ്രമോദിയെ കാണാന്‍ അവസരം ലഭിച്ചു. വനിതാ സംരക്ഷണ ബിൽ പാസാക്കുന്ന ചടങ്ങിൽ ഞാനും ഒരതിഥിയായിരുന്നു.'- എന്ന അടിക്കുറിപ്പിലാണ് ശോഭന പരിപാടിയുടെ ചിത്രങ്ങൾ പങ്കുവച്ചത്. 

തൃശൂരിൽ നടന്ന ബിജെപിയുടെ മഹിളാ സമ്മേളനത്തിലാണ് ശോഭന പങ്കെടുത്തത്. വേദിയിൽ വച്ച് ബിജെപിയേയും മോദിയേയും പ്രശംസിച്ചുകൊണ്ടും ശോഭന സംസാരിച്ചിരുന്നു. നമ്മൾ ജീവിക്കുന്നത് ശക്തമായ നേതൃത്വത്തിലാണെന്നും വനിതാ സംരക്ഷണ ബില്ലിനെ ഏറെ പ്രതീക്ഷയോടെയാണ് നോക്കി കാണുന്നത് എന്നുമാണ് ശോഭന പറഞ്ഞത്. അതിനിടെ ബിജെപി പരിപാടിയിൽ പങ്കെടുത്ത ശോഭനയ്ക്കെതിരെ വിമർശനം രൂക്ഷമാകുന്നുണ്ട്. 

ഈ വാര്‍ത്ത കൂടി വായിക്കൂ 

'ഇപ്പോൾ അമ്മയുടെ പണി ഇതാണ്': അമലയുടെ ​ഗർഭകാലം ആഘോഷമാക്കാൻ ആനീസും

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ