'എ പടം ഇഷ്ടമല്ല, അഭിനയിച്ച സിനിമകൾ ഞാൻ കാണാറില്ല'; മോഹൻലാലിന്റെ കടുത്ത ആരാധിയെന്ന് ഷക്കീല

ഒരുകാലത്ത് യുവാക്കളുടെ ഹരമായി തെന്നിന്ത്യയിൽ നിറഞ്ഞു നിന്നിരുന്ന താരമാണ് ഷക്കീല. താരത്തിന്റെ ചിത്രങ്ങൾ സൂപ്പർതാര ചിത്രങ്ങൾക്കു പോലും ഭീഷണിയായിരുന്ന കാലമുണ്ടായിരുന്നു. എന്നാൽ എ ഫിലിമുകൾ തനിക്ക് ഇഷ്ടമല്ലെന്നും താൻ അഭിനയിച്ച സിനിമകൾ പോലും കണ്ടിട്ടില്ലെന്ന് തുറന്നു പറഞ്ഞിരിക്കുകയാണ് താരം. കിന്നാരത്തുമ്പികൾ മാത്രമാണ് ഒരു വട്ടം കണ്ടത്. തനിക്ക് ഇഷ്ടപ്പെട്ട കഥാപാത്രങ്ങൾ കിട്ടിയിട്ടില്ലെന്നും മൈൽ സ്റ്റോൺ മേക്കേഴ്സിന് നൽകിയ അഭിമുഖത്തിൽ  താരം പറഞ്ഞു. 

ഞാൻ അഭിനയിച്ച സിനിമകളിൽ കിന്നാര തുമ്പികൾ മാത്രമാണ് കണ്ടത്. അതിന്റെ സം​ഗീതം കേട്ട് തന്നെ ഞാൻ ടെൻഷൻ ആയിപ്പോയി. എനിക്ക് എ ഫിലിമുകൾ ഒന്നും ഇഷ്ടമല്ല. അതുകൊണ്ട് ചെയ്ത കഥാപാത്രങ്ങളോട് ഒന്നും ഇഷ്ടം തോന്നിയിട്ടില്ല. അതല്ലാത്ത കഥാപാത്രങ്ങളും ഞാൻ ചെയ്തിട്ടുണ്ട്. പക്ഷേ ഇതുവരെയും എനിക്ക് ഇഷ്ടപ്പെട്ട കഥാപാത്രങ്ങൾ കിട്ടിയിട്ടില്ല. അക്കാലത്തെ ഒരു വേവ് ആയിരുന്നു. അപ്പോൾ എനിക്ക് ഒരുപാട് സിനിമകൾ കിട്ടി. അഭിനയിച്ചതിനെല്ലാം എനിക്ക് നല്ല പൈസയും കിട്ടി. എന്നോട് പറയുന്ന കഥയാവില്ല എടുക്കുന്നത്. അതുകൊണ്ട് കഥ കേൾക്കാനുള്ള സമയം ഞാൻ കളയാറില്ല. ഒരു നല്ല സീൻ, ഒരു മാർക്കറ്റ് സീൻ, ഒരു ഹസ്ബൻസ് സീൻ ഇതിത്രയും കഴിയുമ്പോൾ ഒരു ദിവസത്തെ ഷൂട്ട് കഴിയും. പൈസ വാങ്ങും പോകും. ഇതിൽ നല്ലത് എന്ന് ഏത് സീൻ ഞാൻ പറയും.- ഷക്കീല പറഞ്ഞു. 

തനിക്ക് നല്ല കഥാപാത്രങ്ങൾ ചെയ്യണം എന്നുണ്ടെന്നും താരം വ്യക്തമാക്കി. താൻ സീരിയസായ കഥാപാത്രങ്ങൾ ചെയ്യാൻ ശ്രമിച്ചിരുന്നു. പക്ഷെ എന്റെ ഫേസിന് അത് പറ്റുന്നില്ലെന്ന് സംവിധായകൻ പറഞ്ഞെന്നും താരം കൂട്ടിച്ചേർത്തു. നന്നായിട്ട് കരയുന്ന സാധാരണ കഥാപാത്രങ്ങൾ ചെയ്യണമെന്ന് ആ​ഗ്രഹമുണ്ടെന്നും ഷക്കീല പറഞ്ഞു. നടൻ മോഹൻലാലിന്റെ കടുത്ത ആരാധിക ആണ് താനെന്നും ഛോട്ടാ മുംബൈയിൽ അഭിനയിച്ചത് ഫാൻ ഗേൾ മൊമന്റ് ആയിരുന്നെന്നും താര് പറഞ്ഞു. ഷൂട്ട് കഴിഞ്ഞ് തന്നെ ലാലേട്ടൻ കാറിൽ കൊണ്ടാക്കിയെന്നും ഷക്കീല പറയുന്നു. 

ഈ വാര്‍ത്ത കൂടി വായിക്കൂ 

പാലക്കാട്ടെ സ്കൂളിൽ ജയറാമിനും കുടുംബത്തിനുമൊപ്പം ജയം രവി; ചെന്നൈ സെന്തമിഴ് പാട്ടുപാടി താരം; വിഡിയോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ