കന്നഡ സിനിമയിലേക്ക് അരങ്ങേറ്റം കുറിക്കാനൊരുങ്ങി ജയറാം. 'ഗോസ്റ്റ്' എന്ന ചിത്രത്തിലൂടെയാണ് നടൻ കന്നഡയിലേക്ക് ചുവടുവയ്ക്കുന്നത്. ചിത്രത്തിന്റെ സംവിധായകന്‍ എം ജി ശ്രീനിവാസാണ് ഇക്കാര്യം അറിയിച്ചത്. വില്ലൻ വേഷത്തിലാണ് ജയറാം എത്തുന്നത്. ശിവരാജ് കുമാറാണ് ചിത്രത്തിൽ നായകനായി എത്തുന്നത്.
ദിവസങ്ങൾക്കു മുൻപാണ് ജയറാമുമായി ചർച്ച നടത്തിയതിനെക്കുറിച്ച് ശ്രീനിവാസ് ആരാധകരെ അറിയിച്ചിരുന്നു. അതിനു പിന്നാലെയാണ് താരം ചിത്രത്തിൽ എത്തിയത് സ്ഥിരീകരിച്ചത്. കാണുമ്പോഴെല്ലാം ഒരുമിച്ച് സിനിമ ചെയ്യാനുള്ള ആഗ്രഹം പ്രകടിപ്പിച്ചിരുന്നെന്നും ഒടുവില്‍ അത് ഗോസ്റ്റിലൂടെ സംഭവിക്കുന്നതില്‍ സന്തോഷമുണ്ടെന്നും ശ്രീനി പറഞ്ഞു.
'സാധാരണയായി, ഒരു കഥയ്ക്ക് ഒരു നായകനും ഒരു വില്ലന്‍ ഉണ്ടാകും. എന്നാല്‍ ഇവിടെ അങ്ങനെ ഒരു വില്ലനല്ല. ഇരുവശത്തും ഗുണങ്ങളുണ്ട്. ജയറാമിന്റെ വേഷം അത്യധികം ശക്തമാണ്. ശിവരാജ്കുമാറില്‍ നിന്ന് തികച്ചും വ്യത്യസ്തമായിരിക്കും എന്നാണ് സംവിധായകൻ പറയുന്നത്. ഒക്‌ടോബര്‍ അവസാനം ബംഗളൂരുവിലെ ലൊക്കേഷനില്‍ ജയറാം ചേരുമെന്നും വ്യക്തമാക്കി.
ജയറാം ഒരു നല്ല സുഹൃത്താണെന്നും പരസ്പരം ആരാധിക്കുന്നവരാണെന്നും നടന്‍ ശിവരാജ് കുമാര്‍ പറഞ്ഞു. അദ്ദേഹം തന്റെ അഭിനയത്തില്‍ കോമഡിയും മനോഹരമായി സംയോജിപ്പിക്കുന്നു, അതിനെ ഞാന്‍ അഭിനന്ദിക്കുകയാണ്. അദ്ദേഹത്തിനൊപ്പം ഗോസ്റ്റില്‍ പ്രവര്‍ത്തിക്കാന്‍ വളരെ ആവേശത്തിലാണ് താനെന്നും താരം പറഞ്ഞു. കഴിഞ്ഞ ദിവസമാണ് ഗോസ്റ്റിന്റെ പൂജ നടന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
