എന്തുകൊണ്ടാണ് ജീത്തു ജോസഫിന്റെ സിനിമകളില് ഇപ്പോള് കാണത്തതെന്ന ചോദ്യങ്ങള്ക്ക് മറുപടി നല്കി കൂട്ടിക്കല് ജയചന്ദ്രന്. ഒരു സംവിധായകന്റെ പാര മൂലം ജീത്തുവുമായുള്ള ബന്ധം തകര്ന്നുവെന്നാണ് കൂട്ടിക്കല് ജയചന്ദ്രന് പറയുന്നത്. എന്നാല് അയാളുടെ പേര് പറയാന് താരം തയ്യാറായില്ല. പേര് പറഞ്ഞ് അയാള്ക്ക് പരസ്യം കൊടുക്കാനാഗ്രഹിക്കുന്നില്ലെന്നാണ് താരം പറയുന്നത്.
സോഷ്യല് മീഡിയയില് പങ്കുവച്ച കുറിപ്പിലൂടെയാണ് കൂട്ടിക്കല് ജയചന്ദ്രന് വെളിപ്പെടുത്തല് നടത്തിയത്. വര്ക്കൊന്നുമില്ല എന്ന് പറഞ്ഞപ്പോള് ആ വേദന അറിയാവുന്ന ഞാന് മാസങ്ങളോളം എന്റെ കൂടെ കൂട്ടിയ ഒരു സംവിധായക സുഹൃത്ത് തനിക്ക് പാര പണിതതെന്നും കൂട്ടിക്കല് ജയചന്ദ്രന് പറയുന്നുണ്ട്.
''ആദ്യ പടം 'ഡിക്ടറ്റീവ് ' മുതല് ഉണ്ടായ ഒരു ബന്ധമാണ്! ലോക ഹിറ്റായ 'ദൃശ്യം' വരെ. വര്ക്കൊന്നുമില്ല എന്ന് പറഞ്ഞപ്പോള് ആ വേദന അറിയാവുന്ന ഞാന് മാസങ്ങളോളം എന്റെ കൂടെ കൂട്ടിയ ഒരു സംവിധായക സുഹൃത്ത് ബ്രഹ്മ വച്ച് ആ ബന്ധം തകര്ത്തു! എന്തിനതു ചെയ്തു എന്ന് ചോദിക്കാന് പോലും അയാളുമായുള്ള ഒരു നിമിഷം ഞാനാഗ്രഹിക്കുന്നുമില്ല.'' താരം പറയുന്നു.
''പേര് പറഞ്ഞ് അയാള്ക്ക് ഒരു പരസ്യം കൊടുക്കാനുമാഗ്രഹിക്കുന്നില്ല. അത് ആസനത്തിലെ ആലായിരിക്കും അത്തരക്കാര്ക്ക്. ജീത്തു ജോസഫിന്റെ പടങ്ങളില് കാണുന്നില്ലല്ലോ എന്ന് ചോദിക്കുന്ന സ്നേഹമുള്ളവര്ക്കായി'' എന്നാണ് താരം പറയുന്നത്.
ജീത്തുവിന്റെ ദൃശ്യം പരമ്പരയില് കൂട്ടിക്കല് അഭിനയിച്ചിരുന്നു. എന്നാല് നേരത്തെ ദൃശ്യം ത്രീയില് കണ്ടക്ടര് മുരളി ഉണ്ടായിരിക്കില്ലെന്ന് പറഞ്ഞ നടന്റെ കുറിപ്പും വാര്ത്തയായിരുന്നു. ദൃശ്യം 3യുടെ ചിത്രീകരണം ആരംഭിച്ച ഘട്ടത്തിലായിരുന്നു നടന്റെ കുറിപ്പ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
