'വയനാടിനെ ഓർക്കുമ്പോൾ സന്തോഷത്തോടെയല്ല ഇത് വാങ്ങുന്നത്'; അവാർഡ് വേദിയിൽ മമ്മൂട്ടി

പതിനഞ്ചാമത് ഫിലിം ഫെയർ അവാർഡ് വേദിയിൽ വയനാടിനെ സഹായിക്കണമെന്ന അഭ്യർഥനയുമായി മമ്മൂട്ടി. നന്‍പകല്‍ നേരത്ത് മയക്കം എന്ന ചിത്രത്തിലെ അഭിനയത്തിനാണ് മികച്ച അഭിനേതാവിനുള്ള ഫിലിം ഫെയര്‍ പുരസ്കാരം മമ്മൂട്ടി ഏറ്റുവാങ്ങിയത്. ഹൈദരാബാദിൽ വച്ച് നടന്ന ചടങ്ങിൽ മമ്മൂട്ടി നടത്തിയ പ്രസംഗമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ‌‌‌

ഇത് എന്റെ 15മത്തെ ഫിലിം ഫെയര്‍ അവാര്‍ഡാണ്. എന്നാല്‍ ഈ അവാര്‍ഡ് തന്നെ സന്തോഷിപ്പിക്കുന്നില്ലെന്നും വയനാടിന്റെ വേദനയാണ് മനസിലെന്നും അദ്ദേഹം പറഞ്ഞു. ജീവനും ഉപജീവനവും നഷ്ടപ്പെട്ടവര്‍ക്കൊപ്പമാണ് മനസ്, എല്ലാവരും വയനാടിനെ സഹായിക്കണമെന്നും മമ്മൂട്ടി അഭ്യര്‍ത്ഥിച്ചു. ഒപ്പം നൻപകൽ നേരത്ത് മയക്കത്തിന്റെ സംവിധായകനും അണിയറപ്രവർത്തകർക്കും നടൻ നന്ദി പറഞ്ഞു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

മുൻപ് ഉരുള്‍പൊട്ടല്‍ ദുരന്തത്തിന്‍റെ രക്ഷാപ്രവര്‍ത്തനത്തിനായി സാമ്പത്തിക സഹായം നല്‍കി മമ്മൂട്ടിയും ദുല്‍ഖര്‍ സല്‍മാനും നല്‍കിയിരുന്നു. മമ്മൂട്ടിയുടെ 20 ലക്ഷവും ദുല്‍ഖറിന്‍റെ 15 ലക്ഷവും ചേര്‍ത്ത് 35 ലക്ഷം ഇവര്‍ മന്ത്രി പി രാജീവിന് കൈമാറി.