'എന്തൊരു ക്യൂട്ട് ആണിത്'; നായക്കുട്ടിയുടെ ചിത്രം വരച്ച് മഞ്ജു വാര്യർ, വിഡിയോ വൈറൽ

അഭിനേത്രി, നർത്തകി എന്നീ നിലകളിലെല്ലാം കഴിവു തെളിയിച്ചിട്ടുള്ള പ്രതിഭയാണ് മഞ്ജു വാര്യർ. മഞ്ജുവിന് പെയിന്റിങും വഴങ്ങുമെന്ന കാര്യം അടുത്തിടെയാണ് ആരാധകർ അറിഞ്ഞത്. സോഷ്യൽ മീഡിയയിൽ വളരെ സജീവമായ നടി പങ്കുവച്ചിരിക്കുന്ന ഒരു ക്യൂട്ട് വിഡിയോ ആണിപ്പോൾ ആരാധകരുടെ മനം കവരുന്നത്.

തന്റെ കുടുംബത്തിനൊപ്പമുള്ള അതിമനോഹരമായ നിമിഷങ്ങളാണ് മഞ്ജു പങ്കുവച്ചിരിക്കുന്നത്. തന്റെ പ്രിയപ്പെട്ട നായക്കുട്ടിയുടെ ചിത്രം വരച്ചിരിക്കുകയാണ് മഞ്ജു. ഈ പെയിന്റിങിന്റെ വിഡിയോ ആണ് താരം പങ്കുവച്ചിരിക്കുന്നത്. മഞ്ജുവിന്റെ സഹോദരൻ മധു വാര്യരെയും അമ്മയെയുമൊക്കെ വി‍ഡിയോയിൽ കാണാം.

'ഈ കൊച്ചു കുഞ്ഞിനോട്... ഞങ്ങളുടെ ജീവിതം നീ മാറ്റിമറിച്ച കാര്യം നിനക്കറിയാമെന്ന് ഞാൻ പ്രതീക്ഷിക്കുന്നു'.- എന്നാണ് മഞ്ജു ക്യാപ്ഷനായി കുറിച്ചിരിക്കുന്നത്. നിരവധി പേരാണ് വിഡിയോയ്ക്ക് കമന്റുമായെത്തിയിരിക്കുന്നത്. രാമനാഥന് ഇതും വശമുണ്ടല്ലേ, ക്യൂട്ട് ആയിട്ടുണ്ട് എന്നൊക്കെയാണ് പലരും കുറിച്ചിരിക്കുന്നത്. ഇതിന് മുൻപും താൻ വരച്ച പെയിന്റിങ് മഞ്ജു സോഷ്യൽ മീഡിയയിൽ പങ്കുവച്ചിരുന്നു.

അതേസമയം ആര്യ നായകനായെത്തിയ മിസ്റ്റർ എക്സ് ആണ് മഞ്ജുവിന്റേതായി ഒടുവിൽ തിയറ്ററുകളിലെത്തിയ ചിത്രം. മലയാളത്തിൽ പൃഥ്വിരാജ് ചിത്രം ഒടിയനാണ് താരത്തിന്റേതായി ആരാധകർ കാത്തിരിക്കുന്ന ചിത്രം. ഹാപ്പി ലൂപ്പാണ് മഞ്ജുവിന്റെ റിലീസിനൊരുങ്ങുന്ന ചിത്രം.