മമ്മൂട്ടിയും പാർവതിയും ഒന്നിക്കുന്ന പുഴുവിനായി വളരെ പ്രതീക്ഷയോടെയാണ് ആരാധകർ കാത്തിരിക്കുന്നത്. നവാഗതയായ റതീന ഷര്ഷാദാണ് ചിത്രം സംവിധാനം ചെയ്യുന്നത്. മികച്ച ടീമാണ് ചിത്രത്തിന്റെ അണിയറയിൽ പ്രവർത്തിക്കുന്നത്. ഇപ്പോൾ ചിത്രത്തിലെ മമ്മൂട്ടിയുടെ കഥാപാത്രത്തെക്കുറിച്ച് സംഗീത സംവിധായകൻ ജേക്സ് ബിജോയ് പറഞ്ഞ വാക്കുകളാണ് ശ്രദ്ധ നേടുന്നത്. വിധേയനിലേതു പോലുള്ള പ്രകടനമായിരിക്കും ചിത്രത്തിൽ മമ്മൂട്ടിയുടേത് എന്നാണ് അദ്ദേഹം പറഞ്ഞത്.
"പുഴുവില് വര്ക്ക് ചെയ്യാന് ആകാംക്ഷയോടെ കാത്തിരിക്കുകയാണ് ഞാന്. മമ്മൂക്കയുടെ അഭിനയമികവ് പ്രദര്ശിപ്പിക്കുന്ന ചിത്രമായിരിക്കും പുഴു. ഒരു മാസ് മമ്മൂക്കയെയല്ല ചിത്രത്തില് നിങ്ങള്ക്ക് കാണാനാവുക. മറിച്ച് വിധേയന് സിനിമയുടെയൊക്കെ തലത്തിലുള്ള പ്രകടനമായിരിക്കും"- ജേക്സ് പറഞ്ഞു. ഒരു അഭിമുഖത്തിലായിരുന്നു ജെയ്കിന്റെ മറുപടി.
'ഉണ്ട'യുടെ രചയിതാവ് ഹര്ഷദിന്റെ കഥയില് 'പുഴു'വിന്റെ തിരക്കഥയൊരുക്കിയിരിക്കുന്നത് ഹര്ഷദിനൊപ്പം സുഹാസും ഷര്ഫുവും ചേര്ന്നാണ്. എസ് ജോര്ജ് നിര്മിക്കുന്ന ചിത്രം വിതരണം ചെയ്യുന്നത് ദുല്ഖര് സല്മാനാണ്. തേനി ഈശ്വര് ഛായാഗ്രഹണവും ദീപു ജോസഫ് എഡിറ്റിങ്ങും നിര്വഹിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
