പൃഥ്വിരാജ് പ്രധാന വേഷത്തിലെത്തുന്ന ചിത്രമാണ് വിലായത്ത് ബുദ്ധ. ഇപ്പോൾ ചിത്രത്തിലെ പൃഥ്വിരാജിന്റെ ലുക്ക് പുറത്തുവന്നിരിക്കുകയാണ്. ഡബിൾ മോഹനൻ എന്ന കഥാപാത്രമായാണ് താരം ചിത്രത്തിൽ എത്തുന്നത്. കലിപ്പു ലുക്കിൽ ജീപ്പിൽ ഇരിക്കുന്ന പൃഥ്വിരാജാണ് ചിത്രത്തിൽ. സോഷ്യൽ മീഡിയയിൽ ശ്രദ്ധ നേടുകയാണ് ഫോട്ടോ.
അന്തരിച്ച സംവിധായകൻ സച്ചിയുടെ സ്വപ്ന ചിത്രമാണിത്. 'അയ്യപ്പനും കോശിയും സിനിമയ്ക്കുശേഷം 'വിലായത്ത് ബുദ്ധയാണ് സച്ചി സംവിധാനം ചെയ്യാനിരുന്നത്. സച്ചിയുടെ ശിഷ്യനും ലൂസിഫറില്‍ സഹസംവിധായകനുമായിരുന്ന ജയന്‍ നമ്പ്യാര്‍ ആണ് ചിത്രം സംവിധാനം ചെയ്യുന്നത്. ജി.ആര്‍ ഇന്ദുഗോപന്റെ നോവലിനെ അടിസ്ഥാനമാക്കിയാണ് ചിത്രമൊരുങ്ങുന്നത്. ഇന്ദുഗോപനും രാജേഷ് പിന്നാടനും ചേര്‍ന്നാണ് തിരക്കഥയൊരുക്കുന്നത്.
ഷമ്മി തിലകനും അനു മോഹനും ചിത്രത്തിൽ പ്രധാന വേഷത്തിലെത്തുന്നുണ്ട്. ഉര്‍വശി തിയറ്റേഴ്സിന്റെ ബാനറിൽ സന്ദീപ് സേനനാണ് ചിത്രം നിർമിക്കുന്നത്. ജേക്സ് ബിജോയ്‌ ആണ് സംഗീത സംവിധാനം. കന്നഡയിലെ ഈ വർഷത്തെ മെഗാഹിറ്റ് ചിത്രം '777 ചാര്‍ലി'യുടെ ഛായാഗ്രാഹകനായ അരവിന്ദ് കശ്യപാണ് ക്യാമറ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
