തലകുത്തിനിന്ന് യോ​ഗാഭ്യാസം, വീണ്ടും അമ്പരപ്പിച്ച് സംയുക്ത വർമ; വിഡിയോ

ഒരുകാലത്ത് മലയാള സിനിമയിൽ നിറഞ്ഞു നിന്നിരുന്ന താരമാണ് സംയുക്ത വർമ. നടൻ ബിജു മേനോനുമായുള്ള വിവാഹശേഷം സിനിമയിൽ നിന്ന് മാറിയിരിക്കുകയാണെങ്കിലും താരം ഇപ്പോഴും ആരാധകർക്ക് പ്രിയങ്കരിയാണ്. ഇപ്പോൾ യോ​ഗയിലാണ് താരം കൂടുതൽ ശ്രദ്ധ കേന്ദ്രീകരിക്കുന്നത്. യോ​ഗാഭ്യാസത്തിന്റെ അമ്പരപ്പിക്കുന്ന വിഡിയോ താരം സോഷ്യൽ മീഡിയയിൽ പങ്കുവെക്കാറുണ്ട്. ഇപ്പോൾ ശ്രദ്ധ നേടുന്നത് താരത്തിന്റെ പുതിയ യോ​ഗ വിഡിയോ ആണ്. 

ശീര്‍ഷാസനത്തിൽ നിന്ന് കാലുകൊണ്ട് യോ​ഗാഭ്യാസം ചെയ്യുകയാണ് താരം. എന്റെ യോഗ പ്രാക്റ്റീസ്. എല്ലാ കാര്യങ്ങളും പെര്‍ഫക്റ്റ് ആകേണ്ട കാര്യമില്ല. എന്റെ പ്രാക്റ്റീസ് അതെന്റെ നേരമാണ്. അതിലൂടെ കൂടുതല്‍ ജീവനുള്ളപോലെയും ശാന്തമായും കണക്റ്റഡായും തോന്നും. യോഗയില്‍ മത്സരം ഇല്ല- താരം കുറിച്ചു. 

സത്യന്‍ അന്തിക്കാട് സംവിധാനം ചെയ്ത വീണ്ടും ചില വീട്ടുകാര്യങ്ങള്‍ എന്ന ചിത്രത്തിലൂടെയാണ് താരം സിനിമയിൽ എത്തിയത്. ഈ ചിത്രത്തിലൂടെ തന്നെ മികച്ച നടിക്കുള്ള സംസ്ഥാന പുരസ്കാരം സ്വന്തമാക്കി. തുടര്‍ന്ന് പതിന‍ഞ്ചോളം ചിത്രങ്ങള്‍ മാത്രമാണ് അഭിനയിച്ചത്. എന്നാൽ ആ സിനിമകളിലൂടെ ആരാധകരുടെ മനസു കീഴടക്കാൻ താരത്തിനായി.