'അവിഹിത'ത്തിന് ശേഷം 'കൊല'യുമായി സെന്ന ഹെ​ഗ്ഡെ; ടൈറ്റിൽ പോസ്റ്റർ പുറത്ത്

'അവിഹിതം' എന്ന ചിത്രത്തിനു ശേഷം സെന്ന ഹെഗ്ഡെ സംവിധാനം ചെയ്യുന്ന പുതിയ ചിത്രം 'കൊല'യുടെ ടൈറ്റിൽ പോസ്റ്റർ പുറത്ത്. പുതുമുഖങ്ങളാണ് ചിത്രത്തിൽ പ്രധാന വേഷങ്ങളിലെത്തുന്നത്. "വാഴ 2" സൂപ്പർ ഹിറ്റ് ചിത്രത്തിനു ശേഷം ഇമാജിൻ സിനിമാസ്, ഇ4 എന്റർടെയ്ൻമെന്റ്സ് എന്നിവയുടെ ബാനറിൽ ഹാരിസ് ദേശം, പിബി അനീഷ് എന്നിവർ ചേർന്നാണ് 'കൊല' നിർമ്മിക്കുന്നത്.

സൗഹൃദങ്ങൾ, കുടുംബങ്ങൾ, തലമുറകൾ, ഒപ്പം നമുക്ക് ചുറ്റും നടക്കുന്ന ചെറിയ കാര്യങ്ങൾ എന്നിവയെക്കുറിച്ച് ലളിതവും മനോഹരവുമായി പറയുന്ന ഈ കഥ ഏത് പ്രദേശത്തും സംഭവിക്കാവുന്ന തരത്തിലുള്ളതാണ്.

ശ്രീരാജ് രവീന്ദ്രൻ ആണ് ഛായാ​ഗ്രഹണം. യുവതാരങ്ങളുടെയും പുതുമുഖ പ്രതിഭകളുടെയും ഒരു മികച്ച നിരയെത്തന്നെ "കൊല"യിൽ അണിനിരക്കുന്നു. അടുത്ത വർഷം ചിത്രം തിയറ്ററുകളിലെത്തും. പി ആർ ഒ- എ എസ് ദിനേശ്.