​ഗായകൻ ആദിത്യ നാരായൺ വിവാഹിതനായി; ചിത്രങ്ങ‌ൾ

​ബോളിവുഡ് ​ഗായകൻ ആദിത്യ നാരായൺ വിവാഹിതനായി. ശ്വേതാ അഗര്‍വാള്‍ ആണ് വധു. മുംബൈയിലായിരുന്നു കഴിഞ്ഞ ദിവസമായിരുന്നു ആദിത്യ നാരായണന്റെ വിവാഹം. കോവിഡ് പ്രോട്ടോകോൾ പാലിച്ചു നടന്ന വിവാഹത്തിൽ അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തില്‍ പങ്കെടുത്തത്.

പ്രമുഖ ഗായകൻ ഉദിത് നാരായണന്റെ മകനാണ് ആദിത്യ നാരായൺ. ബേബി പിങ്ക് നിറത്തിൽ സിൽവർ വർക്കോടു കൂടിയ ലെഹങ്കയാണ് ശ്വേത അണിഞ്ഞിരുന്നത്. അതേ നിറത്തിലുള്ള ഷെര്‍വാനിയായിരുന്നു ആദിത്യയുടെ വേഷം. 

മോഹനി എന്ന നേപ്പാളി സിനിമയിലൂടെ 1992ലാണ് ആദിത്യ നാരായൺ ആദ്യമായി ഗാനം ആലപിക്കുന്നത്. രംഗീല എന്ന സിനിമയില്‍ 1995ല്‍  ബാലതാരമായും അഭിനയിച്ചിരുന്നു.ഏറ്റവും ഒടുവില്‍ സുശാന്ത് സിംഗിന്റെ ദില്‍ ബെച്ചാരെ എന്ന സിനിമയ്‍ക്ക് വേണ്ടിയാണ് ആദിത്യ പാടിയത്.