വിജയ്ക്ക് പിറകേ സൂര്യയും? തെലുങ്ക് ബോക്സ് ഓഫീസിലും തേരോട്ടം; തുടർച്ചയായി മൂന്ന് ചിത്രങ്ങൾ 30 കോടി ക്ലബ്ബിൽ

ഈ നേട്ടം കൈവരിക്കുന്ന ആദ്യ തമിഴ് നടനാണ് സൂര്യയെന്നാണ് റിപ്പോർട്ടുകൾ
Scene Suriya
Scene SuriyaPinterest
Updated on: 
1 min read

തെലുങ്ക് ബോക്സ് ഓഫീസിൽ തുടർച്ചയായി മൂന്ന് ചിത്രങ്ങളിലൂടെ 30 കോടി രൂപയുടെ നേട്ടം സ്വന്തമാക്കി തമിഴ് നടൻ സൂര്യ. തെലുങ്ക് വിപണിയിൽ ഈ നേട്ടം കൈവരിക്കുന്ന ആദ്യ തമിഴ് നടനാണ് സൂര്യയെന്നാണ് റിപ്പോർട്ടുകൾ. 'കറുപ്പ്', 'വിശ്വനാഥ് ആൻഡ് സൺസ്', 'സീൻ' എന്നീ ചിത്രങ്ങളാണ് ഈ നേട്ടത്തിന് പിന്നിൽ.

സൂര്യയെ നായകനാക്കി ആർ.ജെ ബാലാജി സംവിധാനം ചെയ്ത 'കറുപ്പ്' ആണ് ഈ പട്ടികയിലെ ആദ്യ ചിത്രം. മെയ് മാസത്തിൽ തിയേറ്ററുകളിലെത്തിയ ചിത്രം തമിഴ് പതിപ്പിനൊപ്പം തെലുങ്ക് മൊഴിമാറ്റ പതിപ്പിലൂടെയും പ്രേക്ഷകരിലേക്ക് എത്തിയിരുന്നു. തുടർന്ന് ഓഗസ്റ്റിൽ പുറത്തിറങ്ങിയ വെങ്കി അറ്റ്‌ലൂരി ചിത്രം 'വിശ്വനാഥ് ആൻഡ് സൺസ്' തെലുങ്ക് പ്രേക്ഷകർക്കിടയിലും ശ്രദ്ധ നേടി. മമിത ബൈജുവായിരുന്നു ചിത്രത്തിലെ നായിക.

ജിത്തു മാധവൻ സംവിധാനം ചെയ്ത 'സീൻ' ആണ് ഈ പട്ടികയിലെ മൂന്നാമത്തെ ചിത്രം. സൂര്യയ്ക്കൊപ്പം നസ്രിയ നസീം, നസ്ലെൻ എന്നിവരും പ്രധാന വേഷങ്ങളിലെത്തിയ 'സീൻ' ആന്ധ്ര–തെലങ്കാന മേഖലയിൽ നിന്ന് 30 കോടി രൂപയിലധികം നേടിയതായാണ് റിപ്പോർട്ടുകൾ. ആദ്യ ദിവസങ്ങളിൽ മികച്ച കളക്ഷൻ നേടിയ ചിത്രം ബോക്സ് ഓഫീസിൽ 200 കോടി രൂപയുടെ ആഗോള കളക്ഷൻ പിന്നിട്ടതായും റിപ്പോർട്ടുകളുണ്ട്.

മേഖലയിൽ രാമായണയ്ക്ക് 80 ശതമാനത്തോളം സ്ക്രീനുകൾ ലഭിച്ചിരുന്ന സാഹചര്യത്തിലാണ് 'സീൻ' ഈ നേട്ടം സ്വന്തമാക്കിയതെന്നും റിപ്പോർട്ടുകളുണ്ട്. ചെയ്യുന്നു. 'സീൻ' 300 കോടി രൂപയുടെ ആഗോള കളക്ഷൻ മറികടക്കുമോയെന്നാണ് ഇനി സിനിമാ മേഖല ഉറ്റുനോക്കുന്നത്. ധനുഷ് നായകനാകുന്ന 'ഓം' റിലീസ് ചെയ്യുന്നതിന് മുമ്പ് ഈ നേട്ടം സ്വന്തമാക്കാനാകുമോ എന്നതും ശ്രദ്ധേയമാണ്. അങ്ങനെയെങ്കിൽ വിജയ്ക്ക് ശേഷം ഒരേ വർഷത്തിൽ രണ്ട് 300 കോടി നേട്ടമുണ്ടാക്കുന്ന താരമായി സൂര്യ മാറും.

Scene Suriya
'ദുൽഖറിന്റെ 'ലോക' എനിക്ക് ഒരുപാട് ഇഷ്ടമായി, 'ഉസ്താ​ദ് ഹോട്ടൽ' മുതൽ ശ്രദ്ധിക്കാറുണ്ട്'; പ്രശംസയുമായി അല്ലു അർജുൻ
Scene Suriya
മലയാള സിനിമയ്ക്കു നൽകുന്നതിനേക്കാൾ മൂന്നിരട്ടി എഫോർട്ട് നൽകി, രാവും പകലും ഷൂട്ട്; 'ഓ'മിന്റെ വിശേഷങ്ങളുമായി മമ്മൂട്ടി
Scene Suriya
'നമ്മള് ശത്രുവിനെ മിത്രമാക്കി മാറ്റുന്ന ആളല്ലേ'?; ധനുഷിനിപ്പോൾ തന്നെ കാണാതെ ഉറക്കം വരില്ലെന്ന് മമ്മൂട്ടി
Summary

Suriya’s winning streak continues at Telugu box office; three consecutive films enter the 30-crore club

X

FOLLOW US

ON GOOGLE DISCOVER