ടി സീരീസ് സഹഉടമ കൃഷ്ണ കുമാറിന്റെ മകള് തിഷ അന്തരിച്ചു
ന്യൂഡല്ഹി: പ്രമുഖ നിര്മാതാക്കളായ ടി സീരീസിന്റെ സഹഉടമ കൃഷ്ണ കുമാറിന്റെ മകള് തിഷ കൃഷ്ണകുമാര് അന്തരിച്ചു. 21 വയസായിരുന്നു. ഏറെ നാളായി കാന്സര് ചികിത്സയിലായിരുന്നു. ഇന്നലെയായിരുന്നു അന്ത്യം.
ടി സീരീസ് വക്താവാണ് മരണ വാര്ത്ത സ്ഥിരീകരിച്ചത്. കാന്സര് സ്ഥിരീകരിച്ചതിനെ തുടര്ന്ന് തിഷയെ ചികിത്സയ്ക്കായി ജര്മനിയില് കൊണ്ടുപോവുകയായിരുന്നു. ജര്മനിയിലെ ആശുപത്രിയില് ചികിത്സയില് കഴിയുന്നതിനിടെയായിരുന്നു അന്ത്യം. കുടുംബത്തിന് ഏറെ ബുദ്ധിമുട്ടേറിയ സമയമാണെന്ന് അവരുടെ സ്വകാര്യത മാനിക്കണമെന്നും വക്താവ് വ്യക്തമാക്കി.
രണ്ബീര് കപൂര് നായകനായി എത്തിയ അനിമലിന്റെ പ്രീമിയറിന് അച്ഛനൊപ്പം തിഷ എത്തിയിരുന്നു. ടി സീരീസാണ് ചിത്രം നിര്മിച്ചത്. സത്യമേവ ജയതേ, തന്ഹാജി, ഭൂല് ഭുലയ്യ 2 ആഷിഖി, തപ്പട് തുടങ്ങിയ നിരവധി സിനിമകള് കൃഷ്ണകുമാര് നിര്മിച്ചിട്ടുണ്ട. മുന്പ് അഭിനേതാവായിരുന്ന കൃഷ്ണ കുമാര് നിരവധി സിനിമകളില് അഭിനയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
