'മനോജ് കെ ജയന്റെയും ഉർവശിയുടെയും മകളാണ് എന്ന താരതമ്യപ്പെടുത്തലാണ് ഏറ്റവും വലിയ പേടി'; തേജലക്ഷ്മി

ഉർവശിയുടെയും മനോജ് കെ ജയന്റെയും മകൾ തേജലക്ഷ്മി (കുഞ്ഞാറ്റ) ആദ്യമായി നായികയാകുന്ന ചിത്രം ‘പ്രിയതമന്റെ' ഷൂട്ടിങ് ആരംഭിച്ചു. തന്റെ മാതാപിതാക്കൾക്ക് നൽകിയ പിന്തുണ തനിക്കും നൽകണമെന്ന് തേജലക്ഷ്മി ഓൺലൈൻ മാധ്യമങ്ങളോട് പ്രതികരിച്ചു. താൻ സിനിമയിലേക്ക് വരുന്നു എന്ന് പറഞ്ഞപ്പോൾ അച്ഛനും അമ്മയും പോസിറ്റീവ് റെസ്പോൺസാണ് നൽകിയതെന്നും തേജലക്ഷ്മി പറഞ്ഞു.

"ഒരുപാട് സന്തോഷമുണ്ട് ഇങ്ങനെയൊരു അവസരം ലഭിച്ചതിൽ. എന്റെ മാതാപിതാക്കൾക്ക് നൽകിയ സപ്പോർട്ട് എനിക്കും തരണം. ആദ്യത്തെ പടം ആയതുകൊണ്ട് തന്നെ എനിക്കൊരുപാട് കാര്യങ്ങൾ പഠിക്കാനുണ്ടാകും. ഇനിയങ്ങോട്ട് ഒരുപാട് സിനിമകൾ ചെയ്യണമെന്ന് ആ​ഗ്രഹമുണ്ട്.

കൂടുതല്‍ സിനിമ വാര്‍ത്തകള്‍ക്കായി വാട്സ്ആപ്പ് ഗ്രൂപ്പില്‍ അംഗമാകൂ

ഇവിടെ ക്ലിക്ക് ചെയ്യുക

ഇത്രയും നല്ല ക്രൂവിന്റെ കൂടെയും ഒരുപാട് നല്ല ആർട്ടിസ്റ്റുകൾക്കൊപ്പം അഭിനയിക്കാൻ പറ്റുന്നതിലും സന്തോഷമുണ്ട്. ഇനിയും ഒരുപാട് പടങ്ങൾ ചെയ്യാൻ പറ്റട്ടെ എന്ന് ഞാൻ ആ​ഗ്രഹിക്കുന്നു. ഞാൻ സിനിമയിലേക്ക് വരുന്നു എന്ന് പറഞ്ഞപ്പോൾ അച്ഛനും അമ്മയും പോസിറ്റീവ് റിയാക്ഷൻ ആയിരുന്നു.

എവിടെയോ ഇത് അവർക്കറിയാമായിരുന്നു എന്ന് തന്നെയാണ് എന്റെ ഒരു വിശ്വാസം. ഞാൻ പഠിച്ചതിന് ശേഷം കോർപറേറ്റിലും വർക്ക് ചെയ്തതിന് ശേഷമാണ് ഞാൻ സിനിമയിലേക്ക് വരുന്നത്. ചെറുപ്പം മുതൽ ഞാൻ സിനിമയിൽ വലിയ താല്പര്യം പ്രകടിപ്പിച്ചിട്ടില്ലെങ്കിലും എനിക്ക് തോന്നുന്നു അവർക്കത് അറിയാമായിരുന്നുവെന്ന്. രണ്ട് പേരും നല്ല പോസിറ്റീവ് റെസ്പോൺസ് ആയിരുന്നു.

ഇത്രയും നല്ല പിന്തുണ നൽകുന്ന മാതാപിതാക്കൾ ഉള്ളതു തന്നെ സന്തോഷം. അതുപോലെ തന്നെ സുഹൃത്തുക്കളാണെങ്കിലും എന്റെ കുടുംബത്തിലുള്ളവരാണെങ്കിലും എന്റെ അധ്യാപകരാണെങ്കിലും, എല്ലാവർക്കും ഒരുപാട് നന്ദി. അച്ഛന്റെയും അമ്മയുടെയും മകളാണ് എന്ന രീതിയിൽ ആളുകൾ വയ്ക്കുന്ന പ്രതീക്ഷയാണ് എനിക്ക് ഏറ്റവും വലിയ ടെൻഷൻ.

എന്റെ ഏറ്റവും വലിയ പേടി അതാണ്. സിനിമയിലേക്ക് വരണോ എന്നൊരു സംശയം തന്നെ വന്നത് ഈ ഒരു താരതമ്യപ്പെടുത്തലുകൾ ഉള്ളതുകൊണ്ടാണ്. അത്തരം താരതമ്യപ്പെടുത്തലുകൾ ഉണ്ടാകാതിരിക്കട്ടെ. കാരണം ഞാൻ എന്റേതായ ശൈലിയിൽ ആയിരിക്കും അഭിനയിക്കുക. പ്രേക്ഷകർ പറയുന്ന വിമർശനങ്ങളെ സ്വീകരിക്കുന്ന ഒരാൾ കൂടിയാണ് ഞാൻ".- തേജലക്ഷ്മി പറഞ്ഞു.