'നാഗവല്ലിയായി ഞങ്ങളെ പേടിപ്പിച്ച ടീം ആണ് ഓടുന്നത്'; ശോഭനയുടെ ദീപാവലി വിഡിയോ വൈറല്‍

പടക്കം പൊട്ടിക്കുന്ന സമയത്ത് പേടിച്ചോടുന്ന വിഡിയോ ശോഭന തന്നെയാണ് വിഡിയോ ഷെയര്‍ ചെയ്തിരിക്കുന്നത്.

വിഡിയോ സ്‌ക്രീന്‍ഷോട്ട്

Updated on:

14 Nov 2023, 11:19 am

1 min read

ദീപാവലി ആഘോഷത്തിനിടെ സിനിമാ താരങ്ങളുടെ വിവിധ വിഡിയോകള്‍ പുറത്തു വന്നിരുന്നു. അതില്‍ ഏറ്റവും വൈറലായിരിക്കുന്നത് നടി ശോഭനയുടെ ദീപാവലി ആഘോഷ വിഡിയോ ആണ്. പടക്കം പൊട്ടിക്കുന്ന സമയത്ത് പേടിച്ചോടുന്ന വിഡിയോ ശോഭന തന്നെയാണ് വിഡിയോ ഷെയര്‍ ചെയ്തിരിക്കുന്നത്.

വിഡിയോയ്ക്കു താഴെ രസകരമായ കമന്റുകളും ഉണ്ട്. നാഗവല്ലി ഇങ്ങനെ പേടിക്കാമോ?, ഇത്രയും ധൈര്യം ചാള്‍സ് ശോഭരാജില്‍ മാത്രമേ കണ്ടിട്ടുള്ളൂ, നാഗവല്ലിയായി ഞങ്ങളെ ?പേടിപ്പിച്ച ടീം ആണ് ഓടുന്നത്...ചേച്ചി അടുത്ത ജില്ലയിലെത്തി എന്നിങ്ങനെയാണ് കമന്റുകള്‍.

മൂന്ന് തവണയായി പടക്കം പൊട്ടിക്കാന്‍ ശ്രമിക്കുന്ന നടിയുടെ വിഡിയോ കണ്ട് ചിരിക്കുകയാണ് എല്ലാവരും.
മൂന്നാമത്തെ ശ്രമത്തിലാണ് പടക്കത്തിന് തീപിടിച്ചത്. തീ കൊടുത്തതിന് ശേഷം ഓടുന്ന ശോഭനയേയും ദൃശ്യങ്ങളില്‍ കാണാം.

തന്റെ പഴയ ബാച്ചിലെ കുട്ടികളാണ് സാധാരണ ഇതൊക്കെ ചെയ്തുതന്നിരുന്നതെന്നും അവരെ ഈ അവസരത്തില്‍ മിസ് ചെയ്യുന്നുവെന്നും ശോഭന വിഡിയോയുടെ അടിക്കുറിപ്പായി കുറിച്ചു.