'കീമോ കഠിനമായിരുന്നു, പക്ഷേ ഞാൻ അതിലും ശക്തയായിരുന്നു'; ആരോ​ഗ്യാവസ്ഥ പങ്കുവച്ച് നടി ഉമ ശങ്കരി

ഇത്തരമൊരു വാർത്ത സ്വീകരിക്കാൻ ഒരു തയ്യാറെടുപ്പും നിങ്ങൾക്ക് ഉപകരിക്കില്ല.
Uma Shankari
Uma Shankariഇൻസ്റ്റ​ഗ്രാം
Edited By:
Updated on: 
1 min read

സ്തനാർബുദം സ്ഥിരീകരിച്ചതിനെക്കുറിച്ച് പലപ്പോഴും തുറന്നു പറഞ്ഞിട്ടുള്ളയാളാണ് നടി ഉമ ശങ്കരി. കീമോ തെറാപ്പിയിലൂടെ കടന്നു പോകുന്നതിനെക്കുറിച്ച് ഉമ പങ്കുവച്ച കുറിപ്പാണിപ്പോൾ ശ്രദ്ധ നേടുന്നത്. ഇൻസ്റ്റഗ്രാമിലൂടെയാണ് ആശുപത്രിക്കിടക്കയിൽ നിന്നുള്ള ചിത്രം സഹിതം പോസ്റ്റ് പങ്കുവെച്ചിരിക്കുന്നത്. "കീമോ കഠിനമായിരുന്നു, ഞാൻ അതിനേക്കാൾ ശക്തയായിരുന്നു. അവസാനത്തെ ഇൻഫ്യൂഷൻ.

അടുത്ത അധ്യായത്തിലേക്കുള്ള ചവിട്ടുപടി".- എന്ന ക്യാപ്ഷനോടെയാണ് ഉമ ചിത്രം പങ്കുവെച്ചത്. ജൂൺ 23-ന് പങ്കുവെച്ച കുറിപ്പിലാണ് അവർ സ്തനാർബുദം സ്ഥിരീകരിച്ച വിവരം പങ്കുവെച്ചത്. "ഇതത്ര എളുപ്പമാണെന്ന് നടിക്കാൻ ഞാൻ ഉദ്ദേശിക്കുന്നില്ല. ആദ്യഘട്ട സ്തനാർബുദം സ്ഥിരീകരിച്ചു. ആദ്യം ഞെട്ടൽ തോന്നി, പിന്നെ ഉൾക്കൊള്ളാനായില്ല. അവിശ്വസിച്ചു. ഇക്കാര്യം ഉൾക്കൊള്ളാനും അംഗീകരിക്കാനും എളുപ്പമല്ല.

എന്തുകൊണ്ട് ഞാൻ, എന്തുകൊണ്ട് ഇപ്പോൾ, എന്താണ് സംഭവിക്കാൻ പോവുന്നത് എന്നീ ചോദ്യങ്ങൾ തലച്ചോറിനെ ചുഴറ്റിയെറിഞ്ഞു. ഇത്തരമൊരു വാർത്ത സ്വീകരിക്കാൻ ഒരു തയ്യാറെടുപ്പും നിങ്ങൾക്ക് ഉപകരിക്കില്ല. എനിക്ക് മാത്രമല്ല, എന്റെ കുടുംബത്തിനും. ഭയന്നിരിക്കുമ്പോൾ തന്നെ അവർ എന്നെ കൂടുതൽ സ്‌നേഹിക്കുന്നത് കാണുന്നത് വലിയ ഹൃദയവേദനയാണ്.

കണ്ണീരും പ്രാർഥനയും പിന്തുണയും കൊണ്ട്, ഞെട്ടലിൽ നിന്ന് യാഥാർഥ്യത്തിലേക്കെത്തി. കീഴടങ്ങില്ല, തോൽവി സമ്മതിക്കില്ല. ജീവിതത്തെ അതിന്റെ കഠിനമായ രൂപത്തിൽ അംഗീകരിക്കും".- എന്നാണ് ഉമ അന്ന് സോഷ്യൽ മീഡിയയിൽ കുറിച്ചത്. 'കുബേരൻ', 'വസന്തമാളിക' എന്നീ ചിത്രങ്ങളിലൂടെ മലയാളികൾക്ക് സുപരിചിതയാണ് ഉമ ശങ്കരി.

Uma Shankari
ആറാട്ടും ക്രിസ്റ്റഫറും സാമ്പത്തികമായി പിടിച്ചു നിന്നു; പൂര്‍ണമായും കാലിടറിയത് ബാന്ദ്രയിലാണ്: ഉദയകൃഷ്ണ
Uma Shankari
'യാഥാർഥ്യത്തിലേക്ക് വരുമ്പോൾ എനിക്ക് ചെയ്യാൻ പറ്റാത്തൊരു കാര്യമായിരുന്നു അത്'; 'ഡൊറോത്തി'യെക്കുറിച്ച് നടൻ സനന്ത്
Uma Shankari
'വിവാഹ മോചനത്തിന് കാരണം ഐശ്വര്യയുടെ മദ്യപാനം'; അച്ഛനെന്ന നിലയില്‍ മിണ്ടാതിരിക്കില്ല; പൊട്ടിത്തെറിച്ച് അര്‍ജുന്‍
Summary

Uma Shankari share her health updates.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER