ദുര്‍ഗ്ഗ പൂജയ്ക്കിടെ നടി കജോളിന് അതിക്രമം നേരിട്ടോ?; വൈറല്‍ വിഡിയോയുടെ സത്യാവസ്ഥ എന്ത്?

സെക്കന്റുകള്‍ മാത്രം ദൈര്‍ഘ്യമുള്ള വിഡിയോ
Kajol
Kajolവിഡിയോ സ്ക്രീന്‍ഷോട്ട്
Updated on
1 min read

ബോളിവുഡ് താരം കജോളിന്റെ വിഡിയോ സോഷ്യല്‍ മീഡിയയില്‍ വൈറലാവുകയാണ്. ദുര്‍ഗ പൂജയ്ക്കിടെയുള്ള വിഡിയോയാണ് വൈറലാകുന്നത്. പൂജയില്‍ പങ്കെടുത്ത് മടങ്ങവെ കജോളിനെ ഒരാള്‍ തടഞ്ഞു നിര്‍ത്തുന്നതാണ് വിഡിയോ. നടിയെ ഇയാള്‍ കടന്നു പിടിച്ചുവെന്ന തരത്തിലാണ് സോഷ്യല്‍ മീഡിയയില്‍ വിഡിയോ പ്രചരിക്കുന്നത്.

Kajol
'ഇക്കാടെ കാല് ദേ ഊരി പോണ്'; ക്രെഡിറ്റ് ഏറ്റെടുക്കാന്‍ മടിച്ച് ഏട്ടന്‍ ഫാന്‍സും ഇക്ക ഫാന്‍സും; 'പാട്രിയറ്റ്' ടീസര്‍ നനഞ്ഞ പടക്കമെന്ന് ആരാധകര്‍

പടി ഇറങ്ങി വരുന്ന കജോളിന്റെ ദേഹത്ത് ഒരാള്‍ കൈ വെക്കുന്നതും കജോള്‍ ഞെട്ടുന്നതുമാണ് വിഡിയോയിലുള്ളത്. വിഡിയോയിലെ കജോളിന്റെ ഭാവം കൂടിയായപ്പോള്‍ സംഭവം വൈറലായി മാറുകയായിരുന്നു. എന്നാല്‍ പിന്നീട് സംഭവിച്ചത് എന്തെന്ന് വിഡിയോയില്‍ കാണാന്‍ സാധിക്കുന്നില്ല. സെക്കന്റുകള്‍ മാത്രം ദൈര്‍ഘ്യമുള്ള വിഡിയോ സോഷ്യല്‍ മീഡിയയില്‍ പല തരത്തിലുള്ള തലക്കെട്ടുകള്‍ നല്‍കി പ്രചരിപ്പിക്കപ്പെടുകയാണ്.

Kajol
'മര്‍ദ്ദനം, ഫോണ്‍ എറിഞ്ഞുടച്ചു, ഭക്ഷണം തരില്ല; ഓടി രക്ഷപ്പെട്ടത് കീറിപ്പറഞ്ഞ വസ്ത്രവുമായി'; ഡിംപിള്‍ ഹയാതിയ്ക്കും ഭര്‍ത്താവിനുമെതിരെ വീട്ടുജോലിക്കാരി

എന്നാല്‍ നടന്നത് മറ്റൊന്നാണ്. സോഷ്യല്‍ മീഡിയയില്‍ പ്രചരിക്കുന്ന വിഡിയോയുടെ പൂര്‍ണരൂപവും ഇപ്പോള്‍ പുറത്ത് വന്നിട്ടുണ്ട്. ഇതില്‍ നിന്നും അടര്‍ത്തിയെടുത്ത ചെറിയ ഭാഗമാണ് ഇപ്പോള്‍ പ്രചരിക്കുന്നത്. പൂര്‍ണ വിഡിയോ പരിശോധിക്കുമ്പോള്‍ നടന്നത് മറ്റൊന്നാണെന്ന് വ്യക്തമാകുന്നുണ്ട്.

യഥാര്‍ത്ഥ വിഡിയോയില്‍ പടിയിറങ്ങി വരുന്ന കജോളിനെ ഒരാള്‍ തടഞ്ഞു നിര്‍ത്തുകയാണ്. പെട്ടെന്നുണ്ടായ നീക്കത്തില്‍ കജോള്‍ ഞെട്ടുന്നുണ്ടെങ്കിലും തന്നെ തടഞ്ഞത് ബന്ധുവാണെന്ന് മനസിലാകുന്നതോടെ കജോള്‍ അയാള്‍ക്ക് അരികിലേക്ക് ചെല്ലുകയും ഫോട്ടോയ്ക്ക് പോസ് ചെയ്യുകയും ചെയ്യുന്നുണ്ട്. ഈ വിഡിയോയുടെ ചെറിയൊരു ഭാഗം മാത്രമായി അടര്‍ത്തിയെടുത്ത്, സൂം ചെയ്താണ് സോഷ്യല്‍ മീഡിയ ഇപ്പോള്‍ പ്രചരിപ്പിക്കുന്നത്.

സത്യാവസ്ഥ എന്തെന്ന് പരിശോധിക്കാതെയാണ് സോഷ്യല്‍ മീഡിയ വിഡിയോ പ്രചരിപ്പിക്കുന്നത്. നടി അപമാനിക്കപ്പെട്ടുവെന്നും അയാളെ കജോള്‍ തല്ലിക്കാണുമെന്നുമൊക്കെയാണ് സോഷ്യല്‍ മീഡിയ പറയുന്നത്. പോയ വര്‍ഷവും ദുര്‍ഗ പൂജയില്‍ നിന്നും കജോളിന്റെ സമാനമായൊരു വിഡിയോ വൈറലായിരുന്നു.

Summary

Video of Kajol from Durga pooja gets viral for wrong reasons. The said video is cropped and zoomed to create a wrong message.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com