അമ്മയുടെ നിലപാട് തെറ്റെന്ന് ലാല്‍; പ്രതികരിക്കാനില്ലെന്ന് ജയസൂര്യ

കൊച്ചി: ദിലീപുമായി ബന്ധപ്പെട്ട് സിനിമാ അഭിനേതാക്കളുടെ സംഘടനയായ അമ്മയെടുത്ത തീരുമാനങ്ങള്‍ തെറ്റെന്ന് നടനും സംവിധായകനുമായ ലാല്‍. ദിലീപിനെ പുറത്താക്കിയതും തിരിച്ചെടുത്തതും ധൃതി പിടിച്ചായിപ്പോയെന്നും ലാല്‍ പറഞ്ഞു.

കേസുമായി ബന്ധപ്പെട്ട് പൊലീസ് അന്വേഷണം നടക്കുന്നതിനാല്‍ കുടുതല്‍ പ്രതികരിക്കാനില്ല. രാജിവെക്കാനുള്ള നടികളുടെ തീരുമാനം അവരുടെ വ്യക്തിപരമായ നിലപാട് മാത്രമാണെന്നും ലാല്‍ പറഞ്ഞു.

്അതേസമയം ഇക്കാര്യത്തില്‍ പ്രതികരിക്കാനില്ലെന്ന് നടന്‍ ജയസൂര്യ പറഞ്ഞു. താന്‍ സംഘടനയില്‍ ഒരു സാധാരണ അംഗം മാത്രമാണ്. ഇതുമായി ബന്ധപ്പെട്ട നിലപാടുകള്‍ സംഘടനാ നേതൃത്വത്തിലുള്ളവര്‍ പറയുമെന്ന് ജയസൂര്യ പറഞ്ഞു.