എട്ടുവർഷത്തിന് ശേഷം ചിലങ്കയണിഞ്ഞ് ജൂഹി; സന്തോഷം പങ്കുവച്ച് താരം 

ടെലിവിഷൻ പ്രേക്ഷകരുടെ പ്രിയതാരം ജൂഹി റുസ്ത​ഗി എട്ട് വർഷത്തെ ഇടവേളയ്ക്ക് ശേഷം വീണ്ടും ചിലങ്കയണിഞ്ഞു. ടെലിവിഷൻ സീരിയലിലെ ലച്ചു എന്ന കഥാപാത്രത്തിലൂടെയാണ് ജൂഹി പ്രേക്ഷകഹൃദയങ്ങൾ കീഴടക്കിയത്. ഇപ്പോഴിതാ നൃത്തവേദിയിലേക്ക് മടങ്ങിയെത്തിയിരിക്കുകയാണ് താരം. 

ചെറുപ്പകാലത്ത് നൃത്തം അഭ്യസിച്ചിട്ടുള്ള ജൂഹി കഴിഞ്ഞ എട്ട് വർഷവും നൃത്തപരിപാടികളിലൊന്നും പങ്കെടുത്തിട്ടില്ല. നൃത്തവേദിയിലേക്ക് തിരികെയെത്തുന്ന സന്തോഷം ജൂഹി തന്നെയാണ് ആരാധകരുമായി പങ്കുവച്ചത്. സമൂഹമാധ്യമങ്ങളിൽ സജീവമായ താരം ഇൻസ്റ്റഗ്രാമിലൂടെയാണ് ഈ വിശേഷം പ്രേക്ഷകരെ അറിയിച്ചത്. 

ഗുരുവായൂർ അമ്പലത്തിൽ നൃത്ത വേഷത്തിൽ നിൽക്കുന്ന ചിത്രമാണ് ജൂഹി ഇൻസ്റ്റഗ്രാമിൽ പങ്കുവച്ചിരിക്കുന്നത്. രാജസ്ഥാൻ സ്വദേശിയായ രഘുവീർ ശരൺ രുസ്തഗിയുടെയും മലയാളിയായ ഭാഗ്യലക്ഷ്മിയുടെയും മകളാണ് ജൂഹി. ഇപ്പോൾ ഫാഷൻ ഡിസൈൻ കോഴ്സ് ചെയ്യുകയാണ് ജൂഹി.