ഗുജറാത്ത്: കൊമേഡിയന്‍ കുനാല്‍ കമ്രയുടെ സ്‌റ്റേജ് ഷോ ഗുജറാത്ത് യൂണിവേഴ്‌സിറ്റി റദ്ദാക്കി. ഷോയിലുടനീളം ദേശവിരുദ്ധത നിറഞ്ഞ് നില്‍ക്കുന്നെന്ന് ആരോപിച്ചാണ് ഗുജറാത്തിലെ എംഎസ് യൂണിവേഴ്‌സിറ്റി ഇദ്ദേഹത്തിന്റെ ഷോ റദ്ദാക്കിയത്. ദേശവിരുദ്ധത ഉണ്ടെന്നാരോപിച്ച് പൂര്‍വ്വവിദ്യാര്‍ത്ഥികളാണ് യൂണിവേഴ്‌സിറ്റിക്ക് കത്തയച്ചത്.
ആഗസ്റ്റ് 11ന് ഒരു പ്രാദേശിക സംഘടനയാണ് ഷോ നടത്താന്‍ വേണ്ടി യൂണിവേഴ്‌സിറ്റി ഓഡിറ്റോറിയം ബുക്ക് ചെയ്തത്. എന്നാല്‍ വിദ്യാര്‍ത്ഥികളുടെ കത്ത് ലഭിച്ചതിനെത്തുടര്‍ന്ന് ശനിയാഴ്ച യൂണിവേഴ്‌സിറ്റി വൈസ് ചാന്‍സലര്‍ പരിപാടി റദ്ദാക്കിയതായി അറിയിക്കുകയായിരുന്നു.
ഇത്തരം ദേശവിരുദ്ധ പരിപാടികള്‍ ഗുജറാത്തിലെ ഏറ്റവും വലിയ യൂണിവേഴ്‌സിറ്റിയില്‍ അവതരിപ്പിക്കുന്നതു വഴി എന്ത് സന്ദേശം കൈമാറാനാണ് ഇവരെപ്പോലുള്ളവര്‍ ആഗ്രഹിക്കുന്നത് പൂര്‍വ്വ വിദ്യാര്‍ത്ഥികള്‍ കത്തിലൂടെ ചോദിക്കുന്നു. ദേശീയഗാനത്തെ പരിഹസിക്കുകയാണ് കുനാല്‍ കമ്ര ചെയ്യുന്നതെന്ന് ഇവര്‍ ആരോപിക്കുന്നു. മാത്രമല്ല വിഭാഗീയതെയും ഭിന്നിപ്പിനെയും പ്രോത്സാഹിപ്പിക്കുകയും ചെയ്യുന്നു. എന്നാല്‍ തന്നെ ഇതൊന്നും ബാധിക്കുന്നില്ല എന്നാണ് കുനാല്‍ സംഭവത്തെക്കുറിച്ച് പ്രതികരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
