നടന്‍ അനീഷ് ജി മേനോന് ആണ്‍കുഞ്ഞ്; മകന്റെ ചിത്രം പങ്കുവെച്ച് താരം

യുവനടന്‍ അനീഷ് ജി മേനോന് ആണ്‍കുഞ്ഞ് ജനിച്ചു. ഫേയ്‌സ്ബുക്കിലൂടെയാണ് താരം സന്തോഷ വാര്‍ത്ത പങ്കുവെച്ചത്. മകന്റെ ആദ്യത്തെ ചിത്രവും അനീഷ് ഫേയ്‌സ്ബുക്കിലൂടെ പങ്കുവെച്ചു. ഭാര്യ  ഐശ്വര്യ രാജനും കുഞ്ഞിനുമൊപ്പം ഇരിക്കുന്ന ചിത്രമാണ് താരം പുറത്തുവിട്ടത്. കൂടാതെ മയിലിനെപ്പോലം മനോഹരമായ വേഷം അണിഞ്ഞ് ഉറങ്ങുന്ന കുഞ്ഞിന്റെ ചിത്രവുമുണ്ട്. 

ഞങ്ങളേയും പ്രാര്‍ത്ഥനയില്‍ ഉള്‍പ്പെടുത്തണമെന്നും താരം ഇവരുടെ ചിത്രത്തോടൊപ്പം കുറിക്കുന്നു. നിരവധി ആശംസകളും ചിത്രത്തിന് താഴെ ലഭിച്ചുകൊണ്ടിരിക്കുന്നുണ്ട്. ഈ വര്‍ഷം ജനുവരി 18ന് ആയിരുന്നു അനീഷും ഐശ്വര്യയും വിവാഹിതരായത്. ഗുരുവായൂരില്‍ വെച്ചായിരുന്നു വിവാഹച്ചടങ്ങുകള്‍ നടന്നത്. 

ആസിഫ് അലിയും നിഷാനും പ്രധാന വേഷത്തിലെത്തിയ സിബി മലയില്‍ ചിത്രമായ അപൂര്‍വ്വരാഗത്തില്‍ വില്ലനായാണ് താരത്തിന്റെ അരങ്ങേറ്റം. ബെസ്റ്റ് ആക്ടര്‍, ദൃശ്യം, ഗ്രേറ്റ് ഫാദര്‍, കായംകുളം കൊച്ചുണ്ണി, ഒടിയന്‍, ലൂസിഫര്‍ തുടങ്ങിയ സിനിമകളില്‍ താരം അനീഷ് അഭിനയിച്ചിട്ടുണ്ട്.