മുംബൈ: ബോളിവുഡ് ചിത്രങ്ങളിൽ വില്ലന്‍ വേഷങ്ങളിൽ തിളങ്ങിയ പ്രശസ്ത നടൻ മഹേഷ് ആനന്ദ് അന്തരിച്ചു. 57വയസ്സായിരുന്നു. തന്റെ വീട്ടിലാണ് മഹേഷിനെ മരിച്ച രീതിയില്‍ കണ്ടെത്തുന്നത്. മരണകാരണം വ്യക്തമല്ല. പോസ്റ്റുമോർട്ടത്തിനായി മൃതദേഹം ആശുപത്രിയിലേക്ക് മാറ്റി.
കഴിഞ്ഞ മാസം പുറത്തിറങ്ങിയ ഗോവിന്ദ നായകനായ 'രംഗീല രാജ' എന്ന ചിത്രത്തിലാണ് മഹേഷ് അവസാനമായി അഭിനയിച്ചത്. ബോളിവുഡിലെ നിരവധി ഹിറ്റ് ചിത്രങ്ങളില്‍ വേഷമിട്ട മഹേഷ് കൂലി നമ്പര്‍ 1, വിജേത, ഷഹെന്‍ഷാ, കുരുക്ഷേത്ര, സ്വര്‍ഗ് തുടങ്ങിയ ചിത്രങ്ങളിൽ ശ്രദ്ധേയമായ കഥാപാത്രങ്ങൾ അവതരിപ്പിച്ചിട്ടുണ്ട്. മലയാളത്തില്‍ മോഹന്‍ലാലിനൊപ്പം പ്രജ എന്ന സിനിമയിലും മഹേഷ് അഭിനയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
