ബൈജു സന്തോഷ് പ്രതിഫലം കുറയ്ക്കുന്നില്ല, പരാതിയുമായി നിർമാതാവ് 

നടൻ‍ ബൈജു സന്തോഷ് പ്രതിഫലത്തുക കുറയ്ക്കാൻ‍ തയ്യാറാകുന്നില്ലെന്ന പരാതിയുമായി നിർമാതാവ്. മരട് 357 എന്ന ചിത്രത്തിന്റെ നിർമ്മാതാവാണ് പരാതിയുമായി രം​ഗത്തത്തിയത്. തന്റെ പ്രതിഫലം 20 ലക്ഷം രൂപയാണെന്നും തുക കുറയ്ക്കാൻ തയ്യാറല്ലന്നും ബൈജു പറഞ്ഞെന്നാണ് ആരോപണം. 

തുക പൂർണമായി ലഭിക്കാതെ സിനിമ ഡബ്ബ് ചെയ്യില്ലെന്ന് ബൈജു നിലപാടെടുത്തെന്നും ആരോപണമുണ്ട്. നടനുമായി എട്ട് ലക്ഷം രൂപയുടെ കരാറാണുളളതെന്ന് സംഘടനയ്ക്ക് നൽകിയ പരാതിയിൽ നിർമാതാവ് അറിയിച്ചു. കരാറിന്റെ കോപ്പി ഉൾപ്പെടെ നൽകിയെന്നാണ് സുചന. 

നേരത്തെ കോവിഡ് പ്രതിസന്ധിയുടെ കാലത്തും പല താരങ്ങളും പ്രതിഫലം കുറയ്ക്കുന്നില്ലെന്ന പരാതി ഉയർന്നിരുന്നു. ഇതിനുപിന്നാലെ ജോജു, ടോവീനോ ഉൾപ്പടെയുള്ള താരങ്ങൾ പ്രതിഫലം കുറയ്ക്കുകയും അത് ബന്ധപ്പെട്ടവരെ അറിയിക്കുകയും ചെയ്തു. മോഹൻലാൽ പ്രതിഫലം പകുതിയാക്കിയതായാണ് സിനിമയുമായി ബന്ധപ്പെട്ടവർ അറിയിച്ചത്. ‌