മരിച്ച ഒരാളുടെ കടം വീട്ടി കടംങ്കഥ എന്ന ചിത്രത്തിന്റെ അണിയറ പ്രവര്‍ത്തകര്‍. മാനസന്‍ എന്ന ദൃശ്യമാധ്യമ പ്രവര്‍ത്തകന്റെ കുടുംബ സഹായ നിധിയിലേക്കാണ് കടംകഥ എന്ന ചിത്രത്തിന്റെ അണിയറ പ്രവര്‍ത്തരും അഭിനേതാക്കളും കൈയഴിഞ്ഞ് സഹായിച്ചത്.
മാനസന്റെ മരണശേഷമായിരുന്നു അദ്ദേഹത്തിന്റെ കടങ്ങളെപ്പറ്റി വീട്ടുകാരും സുഹൃത്തുക്കളും അറിയുന്നത്. വിവരം അറിഞ്ഞ് ആലപ്പുഴ പ്രസ് ക്ലബാണ് ആദ്യം സഹായ നിധി രൂപീകരിക്കുകയും കുടുംബത്തിലേക്ക് പണം കൈമാറുകയും ചെയ്തത്. ഈ സഹായ നിധിയിലേക്കാണ് കടംകഥ അണിയറ പ്രവര്‍ത്തകരും തങ്ങളുടേതായ സംഭാവന നല്‍കിയത്. ചിത്രത്തിലെ നടന്മാരും സംവിധായകനും നിര്‍മാതാവും ഒരുമിച്ചെത്തിയാണ് പൈസ കൈമാറിയത്.
സെന്തില്‍ രാജന്‍ സംവിധാനം ചെയ്യുന്ന കടങ്കഥയുടെ നിര്‍മ്മാണം സാദിഖ് അലിയാണ്. ലിബാസ് സാദിഖാണ് സഹ നിര്‍മാതാവ്. ചിത്രം തിയേറ്ററുകളില്‍ പ്രദര്‍ശനം തുടരുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
