രോവിനൊപ്പം ചേർന്നുനടന്ന് ജൂഹി, ചെക്കൻ മൊഞ്ചനെന്ന് ആരാധകർ; വിവാഹ സൂചനയോ? വിഡിയോ 

ടെലിവിഷനിലെ ലച്ചു എന്ന കഥാപാത്രത്തിലൂടെ‌ മലയാളി പ്രേക്ഷകരുടെ മനം കവർന്ന താരസുന്ദരിയാണ് ജൂഹി റുസ്തഗി. ലച്ചുവിന്റെ വിവാഹവും ഒരുക്കങ്ങളും ആഘോഷമാക്കിയ മലയാളികൾക്ക് ഇപ്പോഴിതാ താരത്തിന്റെ യഥാർത്ഥ വിവാഹമാണ് വാർത്തയാകുന്നത്. ജൂഹി വിവാഹത്തിന് ഒരുങ്ങുകയാണോ എന്ന സംശയമാണ് സോഷ്യൽ മീഡിയയിലാകെ. 

ഡോക്ടര്‍ രോവിൻ ജോർജിനെ കേന്ദ്രീകരിച്ചാണ് ജൂഹിയുടെ വിവാഹ വാർത്തകൾ പ്രചരിക്കുന്നത്. അടുത്തിടെ ഒരു സിനിമയുടെ പൂജാ ചടങ്ങിൽ ഇരുവരും ഒന്നിച്ചെത്തിയതോടെ ഈ സംശയം ബലപ്പെട്ടു. ഒരേ നിറത്തിലുള്ള വസ്ത്രങ്ങൾ ധരിച്ചാണ് ഇരുവരും പരിപാടിയിൽ പങ്കെടുത്തത്. ഓടിനടന്ന് രോവിനെ മറ്റുള്ളവർക്ക് പരിചയപ്പെടുത്തുന്ന ജൂഹിയെയാണ് ചടങ്ങിന്റെ വിഡിയോകളിൽ കാണാൻ കഴിയുന്നത്. ഇതോടെയാണ് ജൂഹിയുടെ വിവാഹ വാർത്തകൾ ചൂടുപിടിച്ചിരിക്കുന്നത്. 

ഒരു സംഗീത ആൽബത്തിൽ രോവിനും ജൂഹിയും ഒന്നിച്ച് അഭിനയിച്ചിട്ടുമുണ്ട്. തനിക്കൊരു പ്രണയമുണ്ടെന്ന് ജൂഹി മുൻപൊരു അഭിമുഖത്തിൽ വെളിപ്പെടുത്തിയിട്ടുണ്ടെങ്കിലും വിവാഹം സംബന്ധിച്ച് നടിയുടെ ഭാ​ഗത്തുനിന്ന് യാതൊരു അറിയിപ്പും ഇതുവരെ ഉണ്ടായിട്ടില്ല.