ധനുഷും സായ് പല്ലവിയും തകര്ത്താടിയ മാരി 2 വിലെ 'റൗഡി ബേബി' എന്ന ഗാനത്തിന് നടി വിദ്യ ഉണ്ണിയും ഭർത്താവും ചുവടുവയ്ക്കുന്ന വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. കഴിഞ്ഞ മാസം വിവാഹിതരായ ഇരുവരും റിസപ്ഷൻ വേദിയിലാണ് തമിഴ് സൂപ്പർഹിറ്റ് ഗാനത്തിനൊപ്പം ചുവടുവച്ചത്. തന്റെ ഇൻസ്റ്റഗ്രാം പേജിലൂടെ വിദ്യ വിഡിയോ പങ്കുവച്ചിരുന്നു.
നടിയും നർത്തകിയുമായ ദിവ്യ ഉണ്ണിയുടെ സഹോദരിയാണ് വിദ്യ. ഡോക്ടർ ലൗ എന്ന ചിത്രത്തിലൂടെയാണ് വിദ്യ അഭിനയരംഗത്തേക്കെത്തിയത്. ടെലിവിഷൻ പരിപാടിയിലടക്കം അവതാരകയായി വിദ്യ എത്തിയിരുന്നു. ചെന്നൈ സ്വദേശിയായ സഞ്ജയ് വെങ്കടേശ്വരൻ ആണ് വിദ്യയുടെ ഭർത്താവ്. സിങ്കപ്പൂരില് ടാറ്റ കമ്മ്യൂണിക്കേഷന്സില് ഉദ്യോഗസ്ഥനാണ് സഞ്ജയ്.
വിദ്യയുടെയും സഞ്ജയ്യുടെയും പോസ്റ്റ് വെഡ്ഡിങ് ചിത്രങ്ങളും പുറത്തുവന്നു. കടൽത്തീരത്തുനിന്നുള്ള ചിത്രങ്ങളും അമ്പലത്തിന്റെ പശ്ചാത്തലത്തിൽ സഹോദരി ദിവ്യ ഉണ്ണിയുമൊത്തുള്ള ചിത്രങ്ങളുമാണ് പോസ്റ്റ് വെഡ്ഡിങ് ആർബത്തിൽ ഉൾപ്പെടുത്തിയിട്ടുള്ളത്.
കൊല്ലം അമൃത സ്കൂള് ഓഫ് എഞ്ചിനീയറിങ്ങില് നിന്ന് എഞ്ചിനീയറിങ് ബിരുദം നേടിയ വിദ്യ ഹോങ്കോങില് കോഗ്നിസെന്ററില് ഉദ്യോഗസ്ഥയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
