ജി​ദ്ദ തു​റ​മു​ഖത്ത് വൻ മ​യ​ക്കു​മ​രു​ന്ന് വേട്ട; 3 ലക്ഷം ല​ഹ​രി ഗു​ളി​ക​കൾ പിടിച്ചെടുത്തു

ജിദ്ദ: വി​ദേ​ശ​ത്തു ​നി​ന്ന് സൗദിയിലേക്ക് കടത്താൻ ശ്രമിച്ച 3 ലക്ഷം ല​ഹ​രി ഗു​ളി​ക​കൾ പിടിച്ചെടുത്തു. ജിദ്ദ തുറമുഖത്ത് കസ്റ്റംസ് നടത്തിയ പരിശോധനയിലാണ് ഇവ കണ്ടെത്തിയത്. ലഹരി മരുന്നുകൾ കാറിൽ ഒളിപ്പിച്ച കടത്താൻ ആയിരുന്നു ശ്രമം. സംഭവുമായി ബന്ധപ്പെട്ട് എ​ട്ടം​ഗ സം​ഘത്തെയും പിടികൂടിയിട്ടുണ്ട്.

കാറിൽ ലഹരിമരുന്ന് കടത്തുന്നു എന്ന രഹസ്യ വിവരത്തെത്തുടർന്നാണ് കസ്റ്റംസ് അധികൃതരും,മറ്റ് ഉദ്യോഗസ്ഥരും തുറമുഖത്ത് പരിശോധന ആരംഭിച്ചത്. തുടർന്ന് ഒരു പഴയ കാർ സംശയാസ്പദമായ സാഹചര്യത്തിൽ കണ്ടെത്തി. കാർ വിശദമായി പരിശാധിക്കുന്നതിന് ഇടയിലാണ് ലഹരി ഗുളികകൾ കണ്ടെത്തിയത്. കാറിന്റെ അകത്തും ടയറുകൾക്കുള്ളിലുമായാണ് ലഹരി ഗുളികകൾ ഒളിപ്പിച്ചു വെച്ചിരുന്നത്.

തുടർന്ന് നടത്തിയ അന്വേഷണത്തിൽ ഈ കാറുമായി ബന്ധപ്പെട്ട 8 പേരെ പൊലീസ് അറസ്റ്റ് ചെയ്തു. ഇവരെ ചോദ്യം ചെയ്തു വരുകയാണെന്നും രാജ്യത്ത് ലഹരിമരുന്നുകൾ കടത്താൻ ശ്രമിക്കുന്നവർക്കെതിരെ കർശന നടപടി ഉണ്ടാകുമെന്നും ടാ​ക്‌​സ് ആ​ൻ​ഡ്​ ക​സ്​​റ്റം​സ് അ​തോ​റി​റ്റി വ​ക്താ​വ് ഹ​മൂ​ദ് അ​ല്‍ഹ​ര്‍ബി പ​റ​ഞ്ഞു.