അബുദാബി: അബുദാബിയില് അവധിക്കാലം ആഘോഷിക്കാനെത്തുന്ന ഇന്ത്യന് സഞ്ചാരികള്ക്ക് യുഎഇയില് എവിടെയും പോകാം. സഞ്ചാരികള്ക്കായി അബുദാബി സാംസ്കാരിക ടൂറിസം വകുപ്പ് യുഎഇ പ്രവേശന വിസ സൗജന്യമായി നല്കും. 2026 ഓഗസ്റ്റ് 1 മുതല് ഒക്ടോബര് 31 വരെയാണ് വിസ ലഭ്യമാകുക.
കുറഞ്ഞത് തുടര്ച്ചയായ മൂന്ന് രാത്രികള് അബുദാബിയിലെ ഹോട്ടലില് താമസിക്കണം. കൂടാതെ, ഇന്ത്യയിലേയ്ക്കുള്ള മടക്കയാത്രാ വിമാന ടിക്കറ്റ് ഉള്പ്പെടുന്നതുമായ ബുക്കിങ്ങുകള്ക്കാണ് ആനുകൂല്യം. പരീക്ഷണാടിസ്ഥാനത്തില് 20,000 വീസകള് വരെയാണ് പദ്ധതിയിലൂടെ അനുവദിക്കുക. യോഗ്യമായ ബുക്കിങ്ങുകളില് യുഎഇ പ്രവേശന വീസയുടെ മുഴുവന് ചെലവും ഡിസിടി അബുദാബി വഹിക്കും. ഇതോടെ ഇന്ത്യന് സഞ്ചാരികള്ക്ക് യാത്രയ്ക്കു മുന്പ് വരുന്ന ചെലവില് കുറവുണ്ടാകും.
ഇന്ത്യയില്നിന്ന് യാത്ര പുറപ്പെടുന്ന ഇന്ത്യന് പാസ്പോര്ട്ട് ഉടമകള്ക്കാണ് പദ്ധതിയുടെ ആനുകൂല്യം ലഭിക്കുക. സഞ്ചാരികള്ക്ക് നേരിട്ട് അപേക്ഷിച്ച് ഈ ആനുകൂല്യം നേടാനാകില്ല. പദ്ധതിയില് പങ്കാളികളായ യാത്രാ സ്ഥാപനങ്ങള്ക്കും ഓണ്ലൈന് യാത്രാ ഏജന്സികള്ക്കുമായി പ്രത്യേകമായാണ് പദ്ധതി നടപ്പാക്കുന്നത്.
ബുക്കിങ്ങില് കുറഞ്ഞത് മൂന്ന് തുടര്ച്ചയായ രാത്രികളിലെ അബുദാബി ഹോട്ടല് താമസവും ഇന്ത്യയില്നിന്നുള്ള മടക്കയാത്രാ വിമാന ടിക്കറ്റും ഉണ്ടായിരിക്കണം. അംഗീകൃത യാത്രാ പങ്കാളിയുടെയോ ഓണ്ലൈന് യാത്രാ ഏജന്സിയുടെയോ വഴിയുള്ള ബുക്കിങ് നിര്ബന്ധമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
