സ്വകാര്യ മേഖലയിലെ ജീവനക്കാരുടെ പ്ര​സ​വാ​വ​ധി വർധിപ്പിക്കില്ല; നിർദേശം തള്ളി ബഹ്‌റൈൻ

മനാമ: സ്വ​കാ​ര്യ മേ​ഖ​ല​യി​ലെ ജീ​വ​ന​ക്കാ​ർ​ക്ക് ശ​മ്പ​ള​ത്തോ​ടു​കൂ​ടി​യ പ്ര​സ​വാ​വ​ധി വർധിപ്പിക്കണം എന്ന ആവശ്യം ബഹ്‌റൈൻ സർക്കാർ തള്ളി. നിലവിൽ 60 ദിവസത്തെ അവധി നൽകുന്നുണ്ട്. അത് തുടരുമെന്നും അവധി ദിനങ്ങൾ കൂട്ടാനുള്ള ആവശ്യം ഇപ്പോൾ പരിഗണിക്കാൻ ആകില്ലെന്നും സർക്കാർ വ്യക്തമാക്കി.

ഗൾഫ് രാജ്യങ്ങളിലെ പ്ര​സ​വാ​വ​ധി സംബന്ധിച്ചുള്ള മാറ്റങ്ങൾ ബഹ്‌റൈനിലും വരുത്തണമെന്ന ഉദ്ദേശത്തോടെയാണ് എം പി മാർ പാർലമെന്റിൽ നിർദേശമായി അവതരിപ്പിച്ചത്. പൊ​തു-​സ്വ​കാ​ര്യ മേ​ഖ​ല​ക​ളിലെ ജീവനക്കാർക്ക് തൊഴിലിടങ്ങളിൽ തുല്യത ഉറപ്പ് വരുത്താൻ ഇതിലൂടെ കഴിയുമെന്നും എംപി മാർ പാർലമെന്റിൽ സമർപ്പിച്ച നിർദേശത്തിൽ പറയുന്നു.

എന്നാൽ ഈ നിർദേശം ചെ​റു​കി​ട സ്ഥാ​പ​ന​ങ്ങ​ൾ​ക്ക് അ​ധി​ക സാ​മ്പ​ത്തി​ക ബാ​ധ്യ​ത ഉണ്ടാക്കുമെന്നും നിലവിൽ നൽകുന്ന അവധി കൃത്യമായ പഠനങ്ങളെ അടിസ്ഥാനമാക്കിയാണ് നൽകുന്നത് എന്നുമാണ് സർക്കാർ വാദം.

മാത്രവുമല്ല, അവധി വർധിപ്പിച്ചാൽ സ്വകാര്യ മേഖലയിൽ വനിതകളെ നിയമിക്കുന്നതിൽ നിന്ന് കമ്പനികൾ പിന്മാറാനും സാധ്യതയുണ്ട്. ഇത് തൊ​ഴി​ൽ മേ​ഖ​ല​യി​ലെ സ്ത്രീ ​പ​ങ്കാ​ളി​ത്തം വ​ർ​ധി​പ്പി​ക്കാ​നു​ള്ള രാജ്യത്തിന്റെ ദീ​ർ​ഘ​കാ​ല ല​ക്ഷ്യ​ങ്ങ​ളെ തകർക്കുമെന്നും സ​ർ​ക്കാ​ർ വ്യക്തമാക്കി.