ബഹ്‌റൈനിൽ 500 സ്മാ​ർ​ട്ട് ക്യാമറകൾ കൂടി വരുന്നു; വാഹനമോടിക്കുന്നവർ ശ്രദ്ധിക്കുക

ബഹ്‌റൈൻ: ഗതാഗത നിയമങ്ങൾ കർശനമായി നടപ്പിലാക്കാനൊരുങ്ങി ബ​ഹ്‌​റൈ​ൻ. ഇതിനായി 500 അ​ത്യാ​ധു​നി​ക സ്മാ​ർ​ട്ട് ക്യാമറകൾ വിവിധ ഇടങ്ങളിൽ സ്ഥാപിക്കും.ഗ​താ​ഗ​ത​നി​യ​മ​ലം​ഘ​ന​ങ്ങ​ൾ ക​ണ്ടെ​ത്താൻ കഴിവുള്ള ക്യാ​മ​റ​ക​ളാ​ണ് ഇവ. ഇതിലൂടെ ട്രാ​ഫി​ക് നി​യ​മ​ങ്ങ​ൾ കൂ​ടു​ത​ൽ മെ​ച്ച​പ്പെ​ടു​ത്താനും പൊ​തു​സു​ര​ക്ഷ വ​ർ​ധി​പ്പി​ക്കാനും കഴിയുമെന്നാണ് അധികൃതർ പറയുന്നത്.

സീ​റ്റ് ബെ​ൽ​റ്റ് ധ​രി​ക്കാ​തി​രി​ക്കു​ക,റെ​ഡ് ലൈ​റ്റ് മു​റി​ച്ചു​ക​ട​ക്കു​ക, അമിത വേ​ഗ​ത്തി​ൽ വാ​ഹ​ന​മോ​ടി​ക്കു​ക തുടങ്ങിയ വിവിധ നിയമലംഘനങ്ങൾ ഈ ക്യാ​മ​റ​ക​ളിലൂടെ കണ്ടെത്താൻ കഴിയും. നി​യ​മ​ലം​ഘ​നം ക​ണ്ടെ​ത്തി​യാ​ൽ മി​നി​റ്റു​ക​ൾ​ക്കു​ള്ളി​ൽ ന​ട​പ​ടി​ക​ളു​ണ്ടാ​കും. അടുത്തിടെ ബഹ്‌റൈനിൽ റോ​ഡ് നി​യ​മ​ങ്ങ​ൾ പുതുക്കിയിരുന്നു. നി​യ​മ​ലം​ഘ​കർക്ക് കനത്ത പിഴ ശിക്ഷയാണ് പുതിയ നിയമത്തിൽ ഉള്ളത്.

പൊ​തു​ജ​ന​ങ്ങ​ളി​ൽ ഗ​താ​ഗ​ത നി​യ​മ​ങ്ങ​ളെ​ക്കു​റി​ച്ചു​ള്ള അ​വ​ബോ​ധം വർധിപ്പിക്കാനും സു​ര​ക്ഷി​ത​വും സു​സ്ഥി​ര​വു​മാ​യ ഗ​താ​ഗ​ത​സം​സ്കാ​രം വ​ള​ർ​ത്തു​ന്ന​തി​ന്റെയും ഭാഗമായി ആണ് ക്യാമറകൾ സ്ഥാപിച്ചത്. സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ച്ചു​ള്ള നി​രീ​ക്ഷ​ണ​വും സു​ര​ക്ഷാ പ​ട്രോ​ളി​ങ്ങു​ക​ളി​ലൂ​ടെ​യു​ള്ള ഫീ​ൽ​ഡ് പ​രി​ശോ​ധ​ന​ക​ളും ബോ​ധ​വ​ത്ക​ര​ണ പ​രി​പാ​ടി​ക​ളും ഇനിയും തുടരുമെന്ന് അധികൃതർ അറിയിച്ചു.