അബുദാബി: യുഎഇയില് വ്യാജലോട്ടറി തട്ടിപ്പില് 84,000 ദിര്ഹം തട്ടിയ രണ്ട് പേര്ക്ക് തടവ് ശിക്ഷ. ഷാര്ജ മിസ്ഡമീനര് കോടതിയാണ് പ്രതികള് കുറ്റക്കാരെന്ന് കണ്ടെത്തി ശിക്ഷ വിധിച്ചത്. പ്രതികള്ക്ക് 6 മാസം തടവും നാടുകടത്തലുമാണ് ശിക്ഷ. ഒരു സര്ക്കാര് സ്ഥാപനത്തിന്റെ പ്രതിനിധികളാണെന്ന് പരിചയപ്പെട്ട പ്രതികള് ഇരയെ 2,00,000 ദിര്ഹം സമ്മാനം ലഭിച്ചെന്ന് വിശ്വസിപ്പിച്ച് പണം തട്ടുകയായിരുന്നു.
ലോട്ടറി സമ്മാനമായി 2,00,000 ദിര്ഹം സമ്മാനം ലഭിച്ചുവെന്ന് പ്രതികള് ഫോണ് കോളിലൂടെ വിളിച്ചറിയിക്കുകയായിരുന്നു. സര്ക്കാര് സ്ഥാപനത്തിന്റെ പ്രതിനിധികളാണെന്ന് അവകാശപ്പെട്ടായിരുന്നു തട്ടിപ്പ്.
സമ്മാനത്തുക കൈമാറുന്നതിന് മുന്പ് ചില നടപടിക്രമങ്ങള് പൂര്ത്തിയാക്കേണ്ടതുണ്ടെന്നും പരിശോധനാ നടപടികളുടെ ഭാഗമെന്ന വ്യാജേന, വ്യക്തിഗത തിരിച്ചറിയല് രേഖകളും ബാങ്കിങ് വിവരങ്ങളും ആവശ്യപ്പെട്ടു.
സമ്മാനം ലഭിക്കുന്നതിനുള്ള ഔദ്യോഗിക നടപടിക്രമങ്ങളാണിതെന്ന് ഇരയെ വിശ്വസിപ്പിച്ച് പ്രതികള് ഇരയുടെ അക്കൗണ്ടില് നിന്ന് പണം തട്ടി. ഇതിനായി ബാങ്ക് അക്കൗണ്ടുമായി ബന്ധിപ്പിച്ചിട്ടുള്ള വണ്-ടൈം പാസ്വേഡും വാങ്ങിയിരുന്നു. ഇത്തരത്തില് 84,000 ദിര്ഹം തട്ടിച്ചെന്നും കേസ് രേഖകള് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
