കുട്ടികളാണ്, അവരെ മറക്കരുത്: ചൂട് കൂടിയ സാഹചര്യത്തിൽ മുന്നയിപ്പുമായി ഖത്തർ

ദോഹ: അ​ന്ത​രീ​ക്ഷ താ​പ​നി​ല ഉ​യ​രു​ന്ന സാ​ഹ​ച​ര്യത്തിൽ കുട്ടികളുടെ കാര്യത്തിൽപ്രത്യേക ശ്രദ്ധ പുലർത്തണമെന്ന മുന്നറിയിപ്പുമായി ഖത്തർ. ചൂ​ട്​ വർധിച്ച സാ​ഹ​ച​ര്യ​ത്തി​ൽ അനാവശ്യ യാത്രകൾ ഒഴിവാക്കണം. വാ​ഹ​ന​ങ്ങ​ൾ പാർക്ക് ചെയ്ത ശേഷം കു​ട്ടി​ക​ളെ തനിച്ചാക്കി പോകരുത്. ഇത് വലിയ അപകടം സൃഷ്ടിക്കുമെന്നും അധികൃതർ വ്യക്തമാക്കി.

പെട്ടെന്ന് സാധനങ്ങൾ വാങ്ങി തിരിച്ചെത്താം എന്ന് ഉദ്ദേശിച്ചാകും കുട്ടികളെ മിക്കപ്പോഴും വാഹനങ്ങളിൽ ഇരുത്തിയ ശേഷം മാതാപിതാക്കൾ പുറത്തിറങ്ങുന്നത്. എന്നാൽ സാധാരണ കാലാവസ്ഥയിൽപ്പോലും വാഹനത്തിനുള്ളിൽ താ​പ​നി​ല പെ​ട്ടെ​ന്ന് കൂടും. ചൂട് കാലങ്ങളിൽ അതിവേഗമായിരിക്കും താപനില വർധിക്കുന്നത്. ഇങ്ങനെ സംഭവിക്കുമ്പോൾ വാഹനത്തിലിരിക്കുന്ന കുട്ടിയുടെ ശരീരത്ത് ​ചൂട് കൂടുകയും നി​ർ​ജ​ലീ​ക​ര​ണം മുതൽ മ​ര​ണം​ വ​രെ​യു​ള്ള അപകടങ്ങൾ വരെ സംഭവിച്ചേക്കാം എന്നാണ് അധികൃതർ പറയുന്നത്.

ചൂ​ടു​മാ​യി ബ​ന്ധ​പ്പെ​ട്ട രോ​ഗ​ല​ക്ഷ​ണ​ങ്ങ​ൾ കുട്ടികളിൽ കണ്ടാൽ ഉ​ട​ന​ടി തണലുള്ള സ്ഥലത്തേക്ക് മാറ്റുകയും വെ​ള്ളം കു​ടി​ക്കാ​ൻ നൽകണം. സഹായത്തിനായി അധികൃതരെ ബന്ധപ്പെടണമെന്നും സർക്കാർ നിർദേശിച്ചു.

കുട്ടികളുടെ സുരക്ഷ ഉറപ്പാക്കാനായി പ്രത്യേക മാർഗനിർദേശങ്ങളും അധികൃതർ പുറത്തിറക്കി. വാഹനങ്ങളിൽ നിന്ന് ഇറങ്ങുമ്പോൾ എ​ല്ലാ കു​ട്ടി​ക​ളും പുറത്ത് ഇ​റ​ങ്ങി​യി​ട്ടു​ണ്ടെ​ന്ന് ഉറപ്പാക്കുക. കു​ട്ടി​ക​ളെ ത​നി​ച്ച് വാ​ഹ​ന​ത്തി​നു​ള്ളി​ൽ ക​ളി​ക്കാ​ൻ അ​നു​വ​ദിക്കരുത്. വാ​ഹ​ന​ത്തി​ന്റെ താ​ക്കോ​ലു​ക​ൾ കു​ട്ടി​ക​ൾ​ക്ക് ക​ളി​പ്പാ​ട്ട​മാ​യി നൽകരുത്. മു​തി​ർ​ന്ന​വ​രി​ല്ലാ​തെ വാ​ഹ​ന​ങ്ങ​ളി​ൽ ക​യ​റ​രു​തെ​ന്ന് കു​ട്ടി​ക​ളെ പറഞ്ഞു മനസിലാക്കണം. ചൈ​ൽ​ഡ് സേ​ഫ്റ്റി ലോ​ക്കു​ക​ൾ ഉ​പ​യോ​ഗി​ക്കാൻ കുട്ടികളെ പഠിപ്പിക്കണമെന്നും നിർദേശത്തിൽ പറയുന്നു.