സുരക്ഷിത യാത്രയ്ക്കായി ജനങ്ങൾ മെട്രോ നിയമങ്ങൾ പാലിക്കണമെന്ന് ഓർമ്മപ്പെടുത്തി ഖത്തർ

റിയാദ്: മെ​ട്രോയിൽ യാ​ത്ര ചെയ്യുന്നവർ സുരക്ഷാ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്ന് ഖത്തർ ആ​ഭ്യ​ന്ത​ര മ​ന്ത്രാ​ല​യം. യാത്രക്കാർ തുടർച്ചയായി നിയമങ്ങൾ ലംഘിക്കുന്നത് ശ്രദ്ധയിൽപ്പെട്ടതോടെയാണ് ഇക്കാര്യത്തിൽ ഓർമ്മപ്പെടുത്തലുമായി അധികൃതർ രംഗത്ത് എത്തിയത്. സു​ര​ക്ഷി​ത​വും സു​ഖ​ക​ര​വു​മാ​യ യാത്രകൾക്കായി ജനങ്ങൾ സഹകരിക്കണമെന്നും അധികൃതർ അഭ്യർത്ഥിച്ചു.

ട്രെ​യി​ൻ ഡോ​റു​ക​ൾ തു​റ​ക്കു​മ്പോ​ഴും അ​ട​ക്കു​മ്പോ​ഴും സു​ര​ക്ഷി​ത​മാ​യ അ​ക​ലം പാ​ലി​ക്കണമെന്നും, സ്റ്റേ​ഷ​നു​ക​ളി​ലെ എ​ല്ലാ നി​ർ​ദേ​ശ​ങ്ങ​ളും യാത്രക്കാർ പാലിക്കണമെന്നും ആ​ഭ്യ​ന്ത​ര മ​ന്ത്രാ​ല​യം സാമൂഹിക മാധ്യമങ്ങളിൽ പങ്ക് വെച്ച പോസ്റ്റിൽ പറയുന്നു. യാത്രക്കാരുടെ കൈവശമുള്ള സാധനങ്ങൾ പ്രത്യേകം സൂക്ഷിക്കുക. അത്യാവശ്യ ഘട്ടങ്ങളിൽ അധികൃതരുടെ സേവനം തേടാൻ മടിക്കരുത് എന്നും പോസ്റ്റിൽ വ്യക്തമാക്കിയിട്ടുണ്ട്.

മെ​ട്രോ സ്റ്റേ​ഷ​നു​ള്ളി​ൽ പു​ക​വ​ലി​ക്കു​ന്ന​ത് ഒ​ഴി​വാ​ക്കണമെന്നും കുട്ടികൾ എ​സ്‌​ക​ലേ​റ്റ​റു​ക​ൾ ഉ​പ​യോ​ഗി​ക്കു​മ്പോ​ൾ ശ്ര​ദ്ധി​ക്ക​ണ​മെ​ന്നും അധികൃതർ വ്യക്തമാക്കി. യാ​ത്ര​ക്കാ​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും മികച്ച യാത്രാനുഭവം ഒരുക്കാനുമുള്ള സർക്കാരിന്റെ ലക്ഷ്യങ്ങളോട് ജനങ്ങൾ സഹകരിക്കണമെന്നും ആ​ഭ്യ​ന്ത​ര മ​ന്ത്രാ​ല​യം അറിയിച്ചു.