ദുബൈ മുനിസിപ്പാലിറ്റിയുടെ ഈ ആപ്പ് നിങ്ങൾക്ക് പണി തരും, ഇക്കാര്യങ്ങൾ ശ്രദ്ധിച്ചില്ലെങ്കിൽ

ദുബൈ: പൊതു ശുചിത്വ ലംഘനങ്ങൾ കണ്ടെത്തി നിയമ നടപടികൾ സ്വീകരിക്കാനായി പുതിയ ആപ്പ് പുറത്തിറക്കി ദുബൈ മുനിസിപ്പാലിറ്റി. ‘ഇ​ൽ​ത്തി​സാം’ എ​ന്ന പേ​രി​ലാ​ണ്​ പു​തി​യ ആ​പ്പ്​ തയ്യാറാക്കിയിരിക്കുന്നത്. ഇതിലൂടെ നിയമ ലംഘനങ്ങളുടെ ചിത്രങ്ങൾ പകർത്താനും തുടർ നടപടികൾ സ്വീകരിക്കാനും അധികൃതർക്ക് സാധിക്കും. ദുബൈയിലെ പൊതു ശുചിത്വ നിയമങ്ങൾ ശക്തമാക്കുന്നതിന്റെ ഭാഗമായി ആണ് നടപടി.

എട്ട് തരം നിയമ ലംഘനങ്ങളാണ് അധികൃതർ പ്രധാനമായും നിരീക്ഷിക്കുക.

പൊ​തു​സ്ഥ​ല​ങ്ങ​ളി​ൽ തു​പ്പു​ക, ഉ​ചി​ത​മ​ല്ലാ​ത്ത രീ​തി​യി​ൽ ച്യൂ​യിം​ഗം ഉ​പേ​ക്ഷി​ക്കു​ക, പൊ​തു​സ്ഥ​ല​ങ്ങ​ളി​ൽ മാ​ലി​ന്യം തള്ളുക, ജലാശയങ്ങളിലും പരിസരത്തും മാലിന്യങ്ങൾ തള്ളുക, വാഹനങ്ങൾ കഴുകിയ ജലം റോഡിലൂടെ ഒഴുക്കുക, അനുമതിയില്ലാത്ത സ്ഥ​ല​ങ്ങ​ളി​ൽ ബാ​ർ​ബി​ക്യൂ ഒ​രു​ക്കു​ക, പൊ​തു​സ്ഥ​ല​ങ്ങ​ൾ മ​റ​യ്ക്കും ​വി​ധം ല​ഘു​ലേ​ഖ​ക​ൾ, പ​ര​സ്യ​ങ്ങ​ൾ, പ്രി​ന്‍റ്​ ചെ​യ്ത പോ​സ്റ്റ​റു​ക​ൾ എ​ന്നി​വ പ​തി​ക്കു​ക, പൊ​തു​സ്ഥ​ല​ങ്ങ​ളി​ൽ​നി​ന്ന്​ വ​ള​ർ​ത്തു​മൃ​ഗ​ങ്ങ​ളു​ടെ വിസർജ്ജ്യങ്ങൾ നീ​ക്കു​ന്ന​തി​ൽ വീ​ഴ്ച വ​രു​ത്തു​ക തു​ട​ങ്ങിയ നി​യ​മ​ലം​ഘ​ന​ങ്ങ​ൾ ആകും പ്രധാനമായും നി​രീ​ക്ഷി​ക്കു​ക.

‘ഇ​ൽ​ത്തി​സാം’ ആപ്പ് ഉപയോഗിച്ച് ഉദ്യോഗസ്ഥർ നിയമ ലംഘനങ്ങളുടെ ചിത്രം പകർത്തിയ ശേഷം ബന്ധപെട്ടവർക്കെതിരെ തുടർ നടപടികളും സ്വീകരിക്കും. പുതിയ സംവിധാനത്തിലൂടെ ന​ഗ​ര​ത്തി​ന്‍റെ ഭം​ഗി​യും പ​രി​സ്ഥി​തി നി​ല​വാ​ര​വും കൂടുതൽ വർധിപ്പിക്കാൻ കഴിയുമെന്ന് ദു​ബൈ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ എ​ൻ​ജീ​നി​യ​ർ മ​ർ​വാ​ൻ അ​ഹ​മ്മ​ദ്​ ബി​ൻ ഖ​ലീ​ത പ​റ​ഞ്ഞു.