ദുബൈ: ഇനി ദുബൈയില് ഡ്രൈവറില്ലാ ടാക്സിയില് യൂബര് ആപ്പില് ബുക്ക് ചെയ്യാം. ബൈഡുവിന്റെ പൂര്ണ്ണമായും ഡ്രൈവറില്ലാ അപ്പോളോ ഗോ വാഹനങ്ങള് യൂബര് പ്ലാറ്റ്ഫോമില് ബുക്ക് ചെയ്യാമെന്ന് യൂബര് ടെക്നോളജീസ് അറിയിച്ചു. യൂബര് എക്സ്, യൂബര് കംഫേര്ട്ട് ബുക്ക് ചെയ്യുന്നവര്ക്കാണ് അപ്പോളോ ഗോ വാഹനങ്ങര് ലഭിക്കുക.
യൂബര് ആപ്പില് 'ഓട്ടോണമസ്' ഓപ്ഷന് നേരിട്ട് നല്കാനും കഴിയും. തുടക്കത്തില് ഉമ്മു സുഖീമിലെയും ജുമൈറയിലെയും തെരഞ്ഞെടുത്ത സ്ഥലങ്ങളിലാണ് പൂര്ണ സേവനം ലഭിക്കുക. ഭാവിയില് കൂടുതല് ഇടങ്ങളില് കൊണ്ടുവരും.
പൂര്ണമായും ഡ്രൈവറില്ലാ സേവനത്തിന് രൂപകല്പ്പന ചെയ്ത ഇലക്ട്രിക് റോബോടാക്സിയായ അപ്പോളോ ഗോയുടെ ആറാം തലമുറ ആര്ടി6 ആണ് സേവനത്തിന് ഉപയോഗിക്കുക. മൂന്ന് യാത്രക്കാര്ക്ക് വരെ സഞ്ചരിക്കാം. ചുറ്റുപാടിനെക്കുറിച്ചുള്ള സമഗ്ര ധാരണക്കും തത്സമയ ഓണ്ബോര്ഡ് ഡാറ്റ പ്രോസസ്സിംഗിനുമായി 30-ലധികം സെന്സറുകളാണ് സജ്ജീകരിച്ചിരിക്കുന്നത്. ഇതുവരെ, ദുബൈ ടാക്സി കമ്പനിയുമായി സഹകരിച്ച് അപ്പോളോ ഗോ ആപ്പ് വഴിയായിരുന്നു സേവനം നല്കിയിരുന്നത്. ഓപ്പറേറ്ററായി പ്രവര്ത്തിക്കുന്ന ന്യൂ ഹൊറൈസണ് ലക്ഷ്വറി ട്രാന്സ്പോര്ട്ടുമായി സഹകരിച്ചാണ് യൂബര് സേവനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
