ന്യൂഡല്ഹി: എഎപി നേതാവും മുന്മന്ത്രിയുമായ സത്യേന്ദര് ജെയിന് അറസ്റ്റില്. മലിനജല സംസ്കരണ പ്ലാന്റ് ടെന്ഡര് ക്രമക്കേട് കേസിലാണ് അറസ്റ്റ്. ഡല്ഹി ആന്റി കറപ്ഷന് ബ്രാഞ്ച് സത്യേന്ദര് ഉള്പ്പെടെ ആറുപേരെയാണ് അറസ്റ്റ് ചെയ്തത്. ഡല്ഹി ജല ബോര്ഡ് മുന് സിഇഒ ഉദിത് പ്രകാശ് റായ്, മുന് കോണ്ട്രാക്ച്വല് കണ്സള്ട്ടന്റ് അങ്കിത് ശ്രീവാസ്തവ, നാഗേന്ദ്ര യാദവ്, രാജ കുമാര് കുറ, പങ്കജ് വര്മ എന്നിവരാണ് അറസ്റ്റിലായ മറ്റാളുകള്.
അരവിന്ദ് കെജ്രിവാള് സര്ക്കാരിലെ ജലമന്ത്രിയായിരുന്നു സത്യേന്ദര് ജെയിന്. ഡല്ഹി ജല ബോര്ഡിന്റെ സീവേജ് ട്രീറ്റ്മെന്റ് പ്ലാന്റുകളുടെ നവീകരണവുമായി ബന്ധപ്പെട്ട് ടെന്ഡര് നടപടികളില് വലിയതോതില് ക്രമക്കേടുകളും ക്രിമിനല് ഗൂഢാലോചനയും ഉള്പ്പെടെ നടന്നെന്ന കേസിലാണ് അറസ്റ്റ്.
അറസ്റ്റ് പുറത്തുവന്ന് മിനിറ്റുകള്ക്ക് ശേഷം, ആം ആദ്മി പാര്ട്ടി ഈ നീക്കത്തെ രാഷ്ട്രീയമാണെന്ന് വിശേഷിപ്പിക്കുകയും, ആരോപണവിധേയമായ ക്രമക്കേടുകള് നടന്നപ്പോള് സത്യേന്ദര് ജെയിന് ജയിലിലായിരുന്നുവെന്ന് അവര് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
