ബംഗളൂരു: കര്ണാടകയില് പൊലീസുകാര്ക്ക് 'ഹോളി ഡേ ഓഫര്'. ജന്മദിനത്തിലും വിവാഹ വാര്ഷികദിനത്തിലും അവധി നല്കണമെന്ന് ഡിജിപി ഉത്തരവ് ഇട്ടു. പൊലിസുകാരുടെ മാനസിക സമ്മര്ദ്ദം കുറയ്ക്കുകയാണ് ലക്ഷ്യമിട്ടാണ് നടപടി.
പൊലിസുകാര് നേരിടുന്ന കടുത്ത ജോലി സമ്മര്ദ്ദം കണക്കിലെടുത്ത്, ഔദ്യോഗിക ജീവിതവും വ്യക്തിജീവിതവും തമ്മിലുള്ള സന്തുലിതാവസ്ഥ മെച്ചപ്പെടുത്തുന്നതിന്റെ ഭാഗമായാണ് പുതിയ നീക്കം. പലപ്പോഴും നീണ്ട ജോലി സമയവും വെല്ലുവിളി നിറഞ്ഞ സാഹചര്യങ്ങളും കാരണം കുടുംബത്തോടൊപ്പം സമയം ചിലവഴിക്കാനോ വ്യക്തിപരമായ ആഘോഷങ്ങളില് പങ്കെടുക്കാനോ പൊലിസുകാര്ക്ക് സാധിക്കാറില്ല. പ്രത്യക അവധി പ്രഖ്യാപിച്ചതോടെ ഉദ്യോഗസ്ഥര്ക്ക് അവരുടെ ജന്മദിനത്തിലും വിവാഹ വാര്ഷികത്തിലും അവധിക്ക് അര്ഹതയുണ്ടാകും. വ്യക്തിപരമായ വിശേഷദിവസങ്ങളില് കുടുംബത്തോടൊപ്പം സമയം ചെലവഴിക്കാന് ഈ അവധി സഹായിക്കും.
പൊലിസുകാരുടെ സമ്മര്ദം കുറയ്ക്കുകയും മാനസികാരോഗ്യവും സംരക്ഷിക്കേണ്ടതിന്റെ ആവശ്യകതയും മുന്നിര്ത്തിയാണ് ഈ തീരുമാനമെന്ന് ഡിജിപി പറഞ്ഞു. വിശേഷദിവസങ്ങളില് അവധി നല്കുന്നതിലൂടെ സമ്മര്ദ്ദം കുറയ്ക്കാനും ആത്മവിശ്വാസം വര്ധിപ്പിക്കാനും ഇടയാക്കുമെന്ന് അധികൃതര് കരുതുന്നു. കാഷ്വല് ലീവ് വ്യവസ്ഥകളുടെ ഭാഗമായിട്ടായിരിക്കും ഈ അവധി അനുവദിക്കുകയെന്ന് ഉത്തരവില് പറയുന്നു. സംസ്ഥാനമൊട്ടാകെ ഈ നിര്ദേശം നടപ്പിലാക്കാന് നിര്ദേശം നല്കിയതായും ഇതിലൂടെ മികച്ച തൊഴില് സാഹചര്യം സൃഷ്ടിക്കാന് കഴിയുമെന്നുമാണ് പ്രതീക്ഷ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
