ന്യൂഡല്‍ഹി: ഡല്‍ഹി നിയമസഭാ തെരഞ്ഞെടുപ്പിനുള്ള പ്രകടന പത്രിക പുറത്തിറക്കി ബിജെപി. സ്ത്രീകള്‍ക്ക് പ്രതിമാസം 2500 രൂപ സഹായം, 500 രൂപയ്ക്ക് എല്‍പിജി സിലിണ്ടറുകള്‍, മുതിര്‍ന്ന പൗരന്‍മാര്‍ക്ക് 2500 രൂപ പെന്‍ഷന്‍ എന്നിവയാണ് പ്രകടന പത്രികയിലെ പ്രഖ്യാപനങ്ങള്‍. ബിജെപി പ്രസിഡന്റ് ജെ പി നദ്ദയാണ് പ്രകടനപത്രിക പുറത്തിറക്കിയത്.
ബിജെപി അധികാരത്തിലെത്തിയാല്‍ എല്ലാ പൊതുജനക്ഷേമ പദ്ധതികളും തുടരുമെന്നും അദ്ദേഹം ഉറപ്പു നല്‍കി. നിലവിലുള്ള പൊതുപജനക്ഷേമ പദ്ധതികളിലെ എല്ലാ അഴിമതി ആരോപണങ്ങളും അന്വേഷിക്കുമെന്നും നദ്ദ പറഞ്ഞു.
ബിജെപി നേതൃത്വത്തിലുള്ള ഡല്‍ഹി സര്‍ക്കാര്‍ ആദ്യ മന്ത്രിസഭാ യോഗത്തില്‍ തന്നെ ആയുഷ്മാന്‍ ഭാരത് നടപ്പിലാക്കുന്നതിന് അംഗീകാരം നല്‍കുമെന്നും 5ലക്ഷം രൂപയുടെ അധിക ആരോഗ്യ പരിരക്ഷ നല്‍കുമെന്നും അദ്ദേഹം പറഞ്ഞു. കൂടാതെ ദരിദ്ര വിഭാഗങ്ങളിലെ സ്ത്രീകള്‍ക്ക് ബിജെപി 500 രൂപയ്ക്ക് എല്‍പിജി സിലിണ്ടറുകള്‍ നല്‍കും. ഹോളി, ദീപാവലി ദിവസങ്ങളില്‍ ഓരോന്നിനും സൗജന്യ സിലിണ്ടര്‍ നല്‍കുമെന്നും അദ്ദേഹം പറഞ്ഞു. 60മുതല്‍ 70 വയസ് വരെയുള്ള മുതിര്‍ന്ന പൗരന്‍മാര്‍ര്ര് 2,500 രൂപ പെന്‍ഷനും 70 വയസിന് മുകളില്‍ പ്രായമുള്ളവര്‍ക്ക് 3000 രൂപ പെന്‍ഷനും ബിജെപി വാഗ്ദാനം ചെയ്തു. ഫെബ്രുവരി 5നാണ് ഡല്‍ഹിയില്‍ വോട്ടെടുപ്പ്. ഫെബ്രുവരി 8ന് ഫലം പ്രഖ്യാപിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
