ശ്രീനഗര്‍: ജമ്മു കശ്മീരില്‍ സൈന്യവും ഭീകരവാദികളും തമ്മിലുണ്ടായ ഏറ്റുമുട്ടലിനിടെ സിവിലിയന്‍ കൊല്ലപ്പെട്ടു. സൗത്ത് കശ്മീരിലാണ് സംഭവം നടന്നത്. ഷോപ്പിയാന്‍ മേഖലയിലെ തുര്‍ക്ക്‌വംഗം ഗ്രാമവാസിയായ അഹമ്മദ് ഗനായി ആണ് കൊല്ലപ്പെട്ടത്. ഒരാഴ്ചയ്ക്കിടെ കൊല്ലപ്പെടുന്ന രണ്ടാമത്തെ സിവിലിയനാണ് അഹമ്മദ്.
സിആര്‍പിഎഫിന്റെയും ജമ്മു പൊലീസിന്റെയും സംയുക്ത പട്രോളിങ് സംഘത്തിന് നേരെ ഭീകകര്‍ വെടിയുതിര്‍ക്കുകയായിരുന്നു. പുല്‍വാമ- ഷോപ്പിയാന്‍ ജില്ലകളെ തമ്മില്‍ ബന്ധിക്കുന്ന പാലത്തില്‍ വെച്ചാണ് ഏറ്റുമുട്ടല്‍ നടന്നത്.
വെടിവെപ്പിനിടെ പ്രദേശവാസിക്ക് പരിക്കേറ്റു. ഉടനെതന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല എന്നാണ് പൊലീസ് പറയുന്നത്.
അതേസമയം, ഭീകരവാദികളെ കീഴക്കാന്‍ സൈന്യത്തിന് സാധിച്ചില്ല. രക്ഷപ്പെട്ട ഇവര്‍ക്ക് വേണ്ടി തെരച്ചില്‍ തുടരുകയാണ്. മെയ് പത്തിന് നടന്ന ഏറ്റുമുട്ടലില്‍ ഒരു സിവിലിയന്‍ കൊല്ലപ്പെടുകയും ഒരാള്‍ക്ക് പരിക്കേല്‍ക്കുകയും ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
