ന്യൂഡല്ഹി: ഡല്ഹിയില് വന് ലഹരി മരുന്ന് വേട്ട. 2500 കോടി രൂപയുടെ ഹെറോയിനാണ് പിടികൂടിയത്. സംഭവവുമായി ബന്ധപ്പെട്ട് നാല് പേര് അറസ്റ്റിലായി. ഡല്ഹി പൊലീസിന്റെ സ്പെഷ്യല് സെല്ലാണ് ലഹരി മരുന്ന് പിടിച്ചെടുത്തത്.
354 കിലോ ഹെറോയിനാണ് ഇവരില് നിന്ന് പൊലീസ് കണ്ടെടുത്തത്. അറസ്റ്റിലായ നാല് പേരില് ഒരാള് അഫ്ഗാനിസ്ഥാന് സ്വദേശിയാണ്. ഒരാള് കാശ്മീരില് നിന്നുള്ള ആളും രണ്ട് പേര് പഞ്ചാബില് നിന്നുള്ളവരുമാണ്. ലഹരി മരുന്നുമായി ഇവരെ ഫരീദാബാദില് നിന്നാണ് പിടികൂടിയത്.
അഫ്ഗാനിസ്ഥാനില് നിന്നാണ് ലഹരി മരുന്ന് ഇന്ത്യയിലെത്തിച്ചതെന്ന് പൊലീസ് പറയുന്നു. ഡല്ഹി പൊലീസ് ഇതുവരെ നടത്തിയിട്ടുള്ളതില് വച്ച് ഏറ്റവും വലിയ ലഹരി മരുന്ന് വേട്ടയാണിത്.
രാജ്യ തലസ്ഥാനത്തിന് സമീപത്ത് നിന്ന് ഇത്തരത്തില് ലഹരി കണ്ടെടുത്തത് അതീവ ഗൗരവത്തോടെയാണ് സുരക്ഷാ ഏജന്സികള് കാണുന്നത്. വ്യാപകമായി പരിശോധന നടത്താനുള്ള തീരുമാനത്തിലാണ് അധികൃതര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
